Матай 24:36 дахь “Харин тэр өдөр цагийг хэн ч мэдэхгүй” эшлэлийн нууц

Шинжи

　Дөрвөн удаа цуст сар гарч, газар хөдлөлт, өлсгөлөн, тахал зэрэг гамшиг улам их боллоо. Эзэний эргэн ирэх тухай зөгнөлүүд үндсэндээ биелсэн бөгөөд зарим нь Түүнийг аль хэдийнээ ирчихсэн хэмээн цахим орчинд нээлттэй гэрчилсэн. “Харин тэр өдөр цагийг хэн ч мэдэхгүй, тэнгэрийн тэнгэрэлчүүд ч мэдэхгүй, Хүү ч мэдэхгүй, зөвхөн Миний Эцэг л мэднэ” (Матай 24:36). гэж Библид тодорхой бичсэн байдаг учраас зарим ах эгч нар будилдаг. Эзэн эргэн ирснийг тэд яаж мэдэх вэ? Тэр үнэхээр эргэж ирсэн үү? Түүнийг угтаж авахын тулд бид юу хийх ёстой вэ? Яг энэ асуултын талаар хамтдаа нөхөрлөцгөөе.

“Харин тэр өдөр цагийг хэн ч мэдэхгүй”—Энэ юу гэсэн үг вэ?

“Харин тэр өдөр цагийг хэн ч мэдэхгүй” хэмээх Библийн энэхүү эшлэл дээр үндэслэн зарим ах эгч Эзэнийг эргэж ирэхэд хэн ч мэдэхгүй гэж итгэдэг. Тийм учраас тэдний хэн нь ч Эзэний эргэн ирэх тухай мэдээ тарааж буй хүмүүсийн хэлсэн үгэнд итгэж, анхаарч үздэггүй. Энэ үнэхээр зөв ойлголт уу, үгүй юу? Энэ Эзэний хүсэлд нийцэж байна уу? Эзэн Есүс нэгэнтээ ийнхүү зөгнөсөн: “Шөнө дөлөөр хашхирах дуу гарч, ‘Хараач, Сүйт залуу ирлээ; Түүнийг угтан авцгаа’ гэлээ” (Матай 25:6). “Харагтун, Би үүдэнд зогсоод тогшиж байна: Хэрвээ хэн нэгэн Миний дуу хоолойг сонсоод хаалгаа нээвэл, Би түүн дотор орж, түүнтэй хамт, тэр Надтай хамт хооллох болно” (Илчлэл 3:20). Эзэн эцсийн өдрүүдэд эргэн ирээд үгээрээ хаалгыг маань тогшиж, бүр “сүйт залуу ирлээ” хэмээх хашхираанаар биднийг гаргаж ирүүлж, Өөрийгөө угтуулна гэдгийг энэхүү бичвэрийн мөрүүдээс бид харж болно. Эзэн эргэн ирсэн тухай мэдээг бидэнд зарладаг хүмүүс байдаг тул ирэх үедээ Тэр хүмүүст зайлшгүй мэдэгдэнэ гэдгийг энэ нь харуулж байна. “Харин тэр өдөр цагийг хэн ч мэдэхгүй” гэдгийг Эзэнийг ирсний дараа хэн ч олж мэдэхгүй хэмээн ойлгох нь бүхэлдээ эндүүрэл гэдэг нь тодорхой юм.

Эзэн Зүүн зүгт гарч ирсэн

Чиу Жэн, Хятад улс

Нэг өдөр, эгч маань над руу залгаж, хойд зүгээс буцаж ирснээ болон надад хэлэх чухал зүйл байгаагаа хэлсэн юм. Тэр надаас даруй хүрч ирэхийг хүслээ. Юу тохиолдсон байж болох тухай мэдрэмж надад төрсөн бөгөөд утсаар ярьсныхаа дараа эгчийнхээ гэрт очив. Ороод, эгч маань ном уншиж байгааг хармагцаа би тайвширлаа. Намайг ирснийг хараад эгч гэнэт босож ирэн: “Дүү минь! Би хойд зүгээс энэ удаа сайн мэдээ олж авлаа: Эзэн Есүс эргэн иржээ!” гэж хэлэв.

,

Үүнийг сонссоны дараа би сэтгэл түгшин бодлоо: Энэ бүх жилүүдэд Зүүний Аянга Эзэн Есүс эргэж ирснийг үргэлж гэрчилж байсан; эгч маань Зүүний Аянгыг хүлээн зөвшөөрсөн юм гэж үү? Намайг ярихаас өмнө эгч маань нухацтайгаар: “Дүү минь! Эзэн бие махбодтой болж, манай Хятад улсад иржээ” гэв. Би түргэхэн шиг: “Хүмүүс юу гэж ч хэлсэн бүү итгэ. Бурхан Хятадад ирж чадах уу? Библид маш тодорхой ингэж бичсэн байдаг: ‘Тэр өдөр Түүний хөл Иерусалимын урд, зүүн зүгт Чидун уулан дээр гишгэх болно. Чидун уул тэгээд зүүнээс баруун тийш дундуураа хуваагдаж, маш өргөн хөндий үүснэ; уулын нэг тал нь умард зүг рүү, нөгөө тал нь өмнө зүг рүү нүүнэ’ (Зехариа 14:4). Бурхан Израильд ирсэн. Тэр Хятадад ирж чадахгүй. Эзэний төлөө ажилладаг хүний хувьд та үүнийг ч мэддэггүй нь ямар ичгэвтэр хэрэг вэ!” гэж хэлэв.

Эгч чин сэтгэлээсээ, “Дүү минь, би чам шиг л боддог байсан, гэхдээ Төгс Хүчит Бурханы үг болон ах эгч нарын нөхөрлөлөөр дамжуулан Эзэн үнэхээр Хятадад бие махбодтой болсныг би ухаарсан. Чиний ярьсан бичвэр бол зөгнөл, гэхдээ зөгнөлийг бид хүссэнээрээ тайлбарлаж болохгүй. Тэдгээр нь Бурханы ажлын баримтуудаар дамжин биелдэг, тэгснээр хүмүүс харж чаддаг. Эзэнийг ажил гүйцэтгэхээр ирэх үед Петр ч, Самари эмэгтэй ч, Етиопийн тайган ч Библийн зөгнөлүүдийн үгчилсэн утгатай зууралдсан, гэтэл Эзэн Есүсийн хэлсэн зүйл болон гүйцэтгэсэн ажлын баримтууд нь Мессиа Эзэн Есүс болж ирсэн гэдгийг баталсан юм. Тэд бүгд Бурханы мөрийг дагаж, Эзэний авралыг хүлээн авсан. Библийн зөгнөлийн үгтэй зууралдсан Фарисайчууд бүгд хэдийнэ ирчихсэн байгаа Мессиа буюу Эзэн Есүст энгийн хүн мэт хандаж, Эзэн Есүсийг үгүйсгэж, эсэргүүцэн, ялласан бөгөөд эцэст нь Эзэн Есүсийг цовдолсон. Тиймээс тэд Бурханаар шийтгүүлсэн юм. Дүү минь, бид Эзэний ирэлтийг анхааралтай авч үзэх ёстой. Бид Бурханыг хүндэтгэсэн зүрх сэтгэлтэй байх ёстой. Чи юу ч хийсэн бай, амархан бүү шийд! гэж хэлэв.

Мунхаг охин болох шахсан минь

Ли Фан, Хятад

2002 оны намар Үнэний Сүм гэх манай урсгалын Жао эгч Эзэн ирсэн тухай гайхалтай мэдээ дуулгахаар зээ охин нь болох Ван эгчийг манай гэрт авчирсан юм. Дэлхий ертөнцийг бүтээснээс хойш өнөөг хүртэл Бурхан хүн төрөлхтнийг аврахын тулд ажлын гурван үе шатыг явуулсан гэдгийг би хэд хоногийн турш Төгс Хүчит Бурханы үгийг уншиж, Ван эгчийн дэлгэрэнгүй нөхөрлөлийг сонссоноор ойлголоо. Түүнчлэн Бурхан ажлынхаа үе шат бүрд шинэ нэр авдгийг, эрин үе бүр дэх Бурханы нэрийн ач холбогдол, Бурхан бие махбодтой болохын нууц гэх зэрэг бусад үнэнийг мэдэж авсан билээ. Эдгээр үнэн үнэхээр нүдийг минь нээж, би нүдээ хужирлаж байлаа. “Энэ зам тов тодорхой сонсогдож байна, бас Төгс Хүчит Бурхан эргэн ирсэн Эзэн Есүс байж тун магадгүй. Тийм болохоор би энэ боломжийг ашиглаж, Төгс Хүчит Бурханы үгийг илүү их уншсан нь дээр юм байна” гэж би дотроо бодсон юм. Ван эгч явахаасаа өмнө надад Бурханы үгийн хэдэн ном үлдээлээ. Би өдрийн цагаар зав гарах болгонд Бурханы үгийг уншдаг байв. Унших тусмаа тэдгээрт улам дуртай болж, Бурханы үг гэдгийг нь бүр их мэдэрдэг байлаа. Гурав хоногийн дараа би сэтгэл түгших болов. “Эзэн эргэн ирсэн тухай энэ гайхалтай мэдээг итгэгч хүү маань болон чуулганы маань олон ах эгч мэдээгүй хэвээр байгаа. Би тэдэнд даруйхан хэлэх хэрэгтэй юм байна” гэж би бодлоо.

Маргааш өглөө нь би хүүгийнхээ гэрт эртлэн очсон юм. Тэгээд “Энэ тун гайхалтай ном байна. Чи үүнийг даруйхан унших хэрэгтэй” гэж хүүдээ баяртайгаар хэлэв. Хүү минь над руу зэрвэс хараад “Ямар ном юм бэ? Та нэлээд баяртай байх шиг байна. Зүгээр л тэнд тавьчих, би завтай болохоороо үзье” гэлээ. Бүх итгэгч Эзэний эргэн ирэхийг хүсэн хүлээдэг тул Эзэн аль хэдийн эргэн ирсэн тухай мэдээд хүү минь баярлана гэж би бодсон юм.

Гэвч гурав хоногийн дараа хүү минь зургаан хүн дагуулан гэрт ирнэ гэж би зүүдлээ ч үгүй явсан билээ. Тэдний нэг нь манай урсгалын Шиа пастор байсан бөгөөд бусад нь хүүгийн маань урсгалын пастор, номлогчид байлаа. Юу болоод байгаа, яагаад ийм олон хүн надтай уулзахаар ирснийг би ойлгож чадахгүй байсан тул тэднийг хараад жаахан гайхшрав. Ли овогт пастор над руу нэг хором сүрхий хараад, санаа зовсон төрхтэйгээр ийн хэллээ: “Эгч ээ, бид бүгд Эзэнд итгэгчид, нэгэн том гэр бүл. Нэг хүн танд ном өгсөн гэж танай хүү хэлсэн, гэхдээ та тэр номыг уншиж ёстой болохгүй. Одоо эцсийн өдрүүд болж байна, бас Эзэн Есүс ингэж хэлсэн байдаг: ‘Тэр үед хэн нэгэн хүн та нарт, “Хараач, Христ энд байна”; эсвэл “Христ тэнд байна” гэвэл түүнд бүү итгэ. Учир нь хуурамч христчүүд болон хуурамч эш үзүүлэгчид гарч ирэн агуу тэмдгүүд болон гайхамшгуудыг үзүүлэх ба боломжтой бол сонгогдсон хүмүүс хүртэл хууран мэхлэгдэх болно’ (Матай 24: 23-24). Эзэн Есүсийн энэ үг нь, Эзэн эргэн ирсэн гэж хэлдэг хэн бүхэн бол бидний сэрэмжилж, үгийг нь сонсохоос татгалзах ёстой луйварчин гэсэн утгатай гэж бид итгэдэг. Яг одоо дэлхий дахинд гагцхүү Зүүний Аянга л Эзэний эргэн ирэлтийг ил тод гэрчилж байна. Тийм болохоор та юу ч хийлээ гэсэн тэдэнтэй холбогдохоо боль. Зүүний Аянгын ямар ч номыг бас битгий унш. Тэдний зам бидний итгэлээс өөр, тийм болохоор тэднийг бүү сонс. Та Библийг төдийлөн сайн ойлгодоггүй, мөн биеийн хэмжээ багатай болохоор амархан хууртаж байгаа юм. Бид олон жил номлож ирсэн, бас Библийг сайн ойлгодог. Тэгээд Хятадын хаа сайгүй явж, олон зүйл үзсэн, амийн хувьд илүү боловсорсон хүмүүс. Өнөөдөр бид таныг аврахаар зорьж ирлээ. Тиймээс та өөрийнхөөрөө зүтгэлгүй, бидэнд итгэх ёстой.” Үүнийг сонсоод би: “Энэ пастор миний талаар санаа зовж байх шиг байна, бас түүний хэлсэн үг ч буруу биш шүү дээ. Би өндөр настай, тааруухан боловсролтой, бас Библийг төдийлөн сайн ойлгодоггүй. Би тэдэн шиг сайн ялган таньж чадахгүй нь лавтай” гэж дотроо бодлоо. Тэр үед Шиа пастор: “Би бол пастор, бас Эзэн сүргээ удирдуулахаар надад өгсөн. Тийм болохоор таныг үнэн замаас төөрүүлэхгүй байх нь миний хариуцлага мөн. Хэрэв би Эзэний сүргийг харж хандахгүй бол Эзэнд тайлан тавьж чадахгүй. Эгч минь, бусад бүлгүүд рүү битгий ингэж гүй. Зүүний Аянга таныг биднээс хулгайлах юм бол Эзэнд итгэсэн энэ олон жил чинь талаар болно шүү!” гэлээ. Тэдний түгшсэн царайг харж, надтай ярьж байгаа ноцтой өнгийг нь сонсоод би жаахан айв. Тэгээд: “Тийм шүү. Хэрэв би буруу итгэж эхлэх юм бол итгэж ирсэн энэ олон жил талаар өнгөрөх биш үү?” гэж бодлоо. Гэвч дараа нь “Тэр номд байсан үг маш сайн, зөв зүйтэй санагдсан. Энэ пастор, номлогчид Төгс Хүчит Бурханы үгийг уншиж үзээгүй юм байж үнэн зам биш гэж яаж хэлж чадаж байна аа?” гэж бодогдов. Иймээс би: “Та нарын ингэж хэлж байгаа чинь зөв байж магадгүй, гэхдээ тэднээс сонссон зүйл Библи дэх Эзэний үгтэй бүрэн нийцдэг!” гэж тэдэнд хэллээ. Миний ингэж хэлэхийг сонсоод тэд бүгд нэгэн зэрэг ярьж эхэлсэн бөгөөд намайг айлгахын тулд маш олон зүйл хэлснээс миний толгой эргэж, будилж, сэтгэл санаагаар маш их хямарсан юм. Би тэнд хэлэх ганц ч үггүй болчхоод сууж байлаа. Дараа нь тэд надтай цуг залбирч, Зүүний Аянгыг хараалгах гэж хүссэн ч намайг үгэнд нь орохгүй болохоор дахин айлган сүрдүүлж эхлэв. Эцэст нь манай хүү: “Одоо би ээжийгээ зохицуулъя даа” гэж хэлсэн юм. Тэгээд шүүгээн дотроос миний магтан дууны хоёр ном, ‘Хургыг дагаж шинэ дуу дуулъя’ дууны кассетууд, мөн ‘Шүүлт Бурханы гэрээс эхэлдэг’ гэх нэртэй Бурханы үгийн номыг аваад пасторт өгч явуулсан билээ.

Тэднийг явсны дараа би маш их сэтгэлээр унаж, оройн хоолоо ч идэж чадахгүй байсан тул Эзэний өмнө очиж, ийнхүү залбирав: “Эзэн Есүс минь, тэр пасторуудын хэлж байгаа зүйл үнэн үү, худал уу? Тэд миний аминд үнэхээр санаа зовсон бололтой байна. Хэрэв би тэдний үгэнд орохгүй бол буруу зүйлд итгэх болов уу? Өө Эзэн минь, Та үнэхээр Төгс Хүчит Бурхан болж эргэн ирсэн байхад Таныг хүлээн зөвшөөрөхгүй бол би Танд хаалгаа хаасан хэрэг болох бус уу? Тэгвэл би мунхаг охидоос ямар ч ялгаагүй байх бус уу? Өө Эзэн минь, өнгөрсөн хэд хоногт Төгс Хүчит Бурханы үгийг уншаад сүнс минь маш их хангалт олж авсан юм шиг санагдаж байна. Би үүнийг үнэхээр, чин үнэнчээр мэдэрсэн, гэхдээ миний буруу байж болох уу? Тэд миний номууд, магтан дуутай кассетуудыг аваад явчихсан болохоор би үнэхээр гуниглаж, яахаа мэдэхгүй байна. Намайг замчлаач дээ…” Ван эгч надад Төгс Хүчит Бурханы өөр нэг ном өгөөд, шүүгээнийхээ бүр ёроолд нь хадгалаарай гэж гуйсныг би залбирсныхаа дараа гэнэт саналаа. Тэр ном одоо ч байгаа гэдгийг ухаараад сэтгэл минь жаахан дээрдэв. Гэвч дараа нь тэр пасторуудын хэлсэн зүйлийг бодоод, мөн л яахаа мэдэхгүй хэвээр байлаа. Тэр номыг унших уу, болих уу? Тэр шөнө сэтгэл үймрэн, би бараг нойр авсангүй. Тэгээд нулимс унаган, Бурханд ахин дахин залбирлаа…

Маргааш өглөө нь манай хүү эртлэн ирээд, хуучин чуулганы маань цуглаанд намайг аваачив. Би үнэхээр сэтгэл хоёрдож байсан ч хүү минь намайг цуглааны газар луу чирч аваачин, тэр ч бүү хэл намайг Зүүний Аянгад хулгайлагдсан гэж номлогчид хэлээд, үлд гэж ятгахын тулд чадах бүхнээ хийгээч гэж түүнээс гуйлаа. Номлогч болон бүх ах эгч тэр дороо намайг бүчин авсан юм. Номлогч гарыг минь атгаад, зөөлхөн дуугаар ийн хэлэв: “Эгч ээ, та юу ч хийлээ гэсэн бусад хүний номлохыг бүү сонс. Та буруу итгээд эхэлбэл Эзэн шүтлэгтнүүдийг өргөхөөр эргэн ирэхэд үлдэж хоцорно шүү дээ, тийм биз дээ? Та биеийн хэмжээ багатай болохоор хэн нэгэн танд унш гэж ямар нэг төрлийн ном өгөх юм бол эхлээд биднээс асуусан нь дээр. Бид танд шалгаад өгье…” Ах эгч нар ч бас намайг үлдээч гэж ятгахаар хичээсээр байсан бөгөөд тэдний “хайранд” сэтгэл минь хөдөлсөндөө би нулимс унагав. Сэтгэл минь хэчнээн их хөдөлсөн байгааг хараад, тэд санаагаа дахин нэг удаа хэлсэн юм: “Зүүний Аянгаас хэн нэгэн танайд дахиад зочилж ирвэл та битгий оруулаарай. Тэдэнтэй дахиад битгий холбогдоорой!” Би санал нийлэн толгой дохилоо.

Хэдхэн хоногийн дараа Ван эгч дахин надтай уулзахаар ирэв. Би эгчид: “Пастор надад Библиэс ийм хэсгийг уншиж өгсөн: ‘Тэр үед хэн нэгэн хүн та нарт, “Хараач, Христ энд байна”; эсвэл “Христ тэнд байна” гэвэл түүнд бүү итгэ. Учир нь хуурамч христчүүд болон хуурамч эш үзүүлэгчид гарч ирэн агуу тэмдгүүд болон гайхамшгуудыг үзүүлэх ба боломжтой бол сонгогдсон хүмүүс хүртэл хууран мэхлэгдэх болно’ (Матай 24: 23-24). Эцсийн өдрүүдэд хуурамч Христүүд гарч ирнэ, бас Эзэн эргэн ирлээ гэж хэлсэн хэн боловч луйварчин. Би Библийг ойлгодоггүй, биеийн хэмжээ минь жаахан болохоор амархан төөрөлддөг юм. Би өөр ямар ч замыг сонсож зүрхлэхгүй, тийм болохоор таныг оруулахгүй. Та дахиж битгий ирээрэй” гэж хэллээ. Ван эгч үнэхээр чин сэтгэлээсээ ийн хэлэв: “Эзэн Есүс эцсийн өдрүүдэд биднийг хуурамч Христүүдээс сэрэмжлүүлэхийн тулд ингэж хэлсэн боловч Христээс бас нүүр буруулаг гэж зориогүй юм шүү дээ. Хуурамч Христүүд байгаа бол жинхэнэ Христ аль хэдийн илэрсэн учраас л тэр юм. Яагаад гэвэл жинхэнэ Христ байхгүй бол дүр эсгэгчдэд дуурайх зүйл юу ч байхгүй. Эзэн Есүсийн тэр үг бидэнд ялган таньж сурах ёстой гэдгийг хэлж байна; харин ердөө л эцсийн өдрүүдэд хуурамч Христүүд гарч ирнэ гэдгээс болж Эзэн эргэн ирсэн тухай сайн мэдээг сонсохоос татгалзах ёстой гэж хэлээгүй. Эс бөгөөс бид Эзэнийг эргэн ирэхэд нь яаж угтан авч чадах юм бэ? Үнэндээ Эзэн Есүс хуурамч Христүүдийн шинж чанарыг аль хэдийн тодорхой дүрсэлсэн шүү дээ. Голлох зүйлсэд тэмдэг, гайхамшиг үзүүлэх, өвчтэйг эдгээж, чөтгөрүүдийг хөөх, мөн хүмүүсийг хуурахын тулд Эзэн Есүсийн аль хэдийн хийчихсэн ажлыг дуурайх зэрэг багтдаг. Иймээс эцсийн өдрүүдэд Эзэн Есүсийг дуурайж гэмшлийн замыг тунхагладаг, цөөн хэдэн энгийн тэмдэг үзүүлж, өвчтэйг эдгээж, чөтгөрүүдийг хөөж чаддаг хэн бүхэн бол хуурамч Христ юм. Эцсийн өдрүүдэд махбодод эргэн ирсэн Эзэн Есүс болох Төгс Хүчит Бурхан нь Эзэн Есүсийн аль хэдийн хийчихсэн ажлыг давтдаггүй, харин Эзэн Есүсийн золин авралын ажлын суурин дээр шинэ ажил хийдэг. Төгс Хүчит Бурхан Нигүүлслийн эрин үеийг төгсгөж, Хаанчлалын эрин үеийг нээсэн бөгөөд үнэнийг илэрхийлж, хүн төрөлхтнийг шүүж, цэвэрлэх ажлын үе шатыг хийдэг. Золин аврагдсан боловч нүгэл дунд амьдарсаар байгаа бүх хүнийг Төгс Хүчит Бурхан нүгэлт уг чанарынх нь дөнгөнөөс нь салгаж, Сатаны харанхуйн нөлөөнөөс ангижруулах замаар бүрмөсөн аварна. Дараа нь Тэр хүн төрөлхтнийг гайхалтай сайхан эцсийн хүрэх газарт нь аваачна. Энэ ажлыг Бурхан Өөрөө л хийж чаддаг: өөр ямар ч хуурамч Христ хийж чаддаггүй.” Хэдийгээр эгчийн хэлж байгаа зүйл үндэслэлтэй санагдсан ч пасторын хэлсэн үг толгойд эргэлдсээр байлаа. Сэтгэл санаа минь хямарч, анхаарлаа төвлөрүүлж чадахгүй байсан бөгөөд эгчийн нөхөрлөлийг цааш сонсохыг хүссэнгүй. Иймээс би эгчээс салахын тулд хөршийндөө хийх ажилтай гэж худал хэллээ. Дараа нь Ван эгч манай гэрт олон удаа ирсэн ч би үргэлж түүнээс зайлсхийдэг байв. “Тэр муу хүн шиг харагдахгүй л байх юм. Чи юундаа айсан юм бэ?” гэж хөрш минь надаас асуусан юм. Ван эгчийн сайн хүн гэдгийг би сэтгэлдээ мэдэж байсан боловч биеийн хэмжээ минь бага байсан болохоор буруу зүйлд итгэхээс айж байлаа.

Хуучин чуулганыхаа цуглаанд оролцохоор эргэн очсоныхоо дараа номлогч нар урьд нь хэлсэн зүйлээ мөн л номлосоор байгааг сонсов. Тэд Зүүний Аянгаас хэрхэн сэрэмжлэх, чуулганд хандив өргөх талаар үргэлж ярьж, эсвэл өөрсдийнхөө хэчнээн их ажиллаж, Эзэний төлөө хэр их зовсон, Эзэний хэчнээн их нигүүлслийг эдэлсэн тухай маш их уйтгартай улиг болсон зүйлээ л давтацгааж байв… Тэд шинэ гэрэлтэй өчүүхэн зүйл ч хэлэх чадваргүй байлаа. Би тэдний ярьж байгаа зүйлээс дорхноо залхаж гүйцээд зүүрмэглэж эхэлсэн юм. Нэг удаа өөр чуулганы ах ирж номлосон боловч Эзэний ажлыг хийхээр газар сайгүй яаж явсан, хэчнээн их зовлон туулсан, сайн мэдээ түгээх замаар хэр олон хүнийг элсүүлсэн, хэчнээн олон чуулган байгуулсан тухайгаа мөн л нэгэн хэвийн зүйл ярив. Тэр өөрийгөө л магтсаар байлаа. Түүнийг сонсоод би тун их эвгүйцэж, Эзэнд гэрчлэл хийлгүй өөртөө л гэрчлэл хийж байна гэх дүгнэлтэд хүрэв. Өөр нэг удаа, цуглааны газарт дөнгөж очих үед маань нэг эгч: “Өнөөдөр хорин хэдтэй, теологийн оюутан бидэнд номлол хийнэ” гэж хэллээ. Би үүнийг сонсоод тун их баярлаж, энэ удаагийн номлолд онцгойлон анхаарал хандуулъя гэж дотроо бодсон юм. Учир нь тэр манай номлогчдоос илүү сайн номлол хийж чадах нь лавтай байлаа. Гэвч тэр оюутан Зүүний Аянгаас хэрхэн сэрэмжлэх талаар номлолоо эхэлж, дараа нь өөрөө 16 настайдаа ердийн хичээл номоо хэрхэн орхиж, теологи судлахаар шашны сургуульд орсон, бороонд ч хамаагүй гадуур хэрхэн ажиллаж зовсон, хэчнээн олон газраар явсан тухайгаа ярив… Сонсох тусмаа би улам их залхсан юм. “Энэ чинь шинэ саванд савласан хуучин дарс л байна даг! Юундаа нэгэн хэвийн уйтгартай зүйлээ чалчаад байдаг юм бэ? Энэ нь Эзэний үгийн талаарх тэдний мэдлэг, туршлагатай ямар ч холбоогүй, бас Эзэний замыг дагаж, үгийг нь хэрэгжүүлж, ороход биднийг залж чиглүүлэхгүй байна шүү дээ” гэж дотроо бодлоо. Би цуглаандаа эргэж очоод аль хэдийн нэг сар гаруй болж байсан ч тэднээс юу ч олж аваагүй байв. Тэдгээр номлолыг сонсох тусам сүнс минь улам хатаж, энэ маягаараа итгэвэл сүнсээрээ өлсөж цангаад үхэх юм байна гэж бодогдсон юм. Өчүүхэн ч гэлээ амь хаанаас олох вэ? Ингэж бодох тусам би улам их сэтгэлээр уналаа.

Цуглааны дараа би уй гунигт автсаар гэртээ харив. Тэгээд Ван эгчийн өгсөн ‘Шүүлт Бурханы гэрээс эхэлдэг’ хэмээх номын тухай бодлоо. Хүмүүс биеэ тоож, өөрсдийгөө өргөмжлөх ёсгүй, харин Бурханыг агуу хэмээн хүндэлж, өргөмжлөх ёстой хэмээн тэр номд өгүүлсэн байдаг. Гэтэл энэ номлогчид бүгд өөрсдөдөө гэрчлэл хийж, өөрсдийгөө бусад бүхнээс дээгүүрт хүндэлж, бусдад хүндлэгдэн, шүтэгдэж байна. Тэр номын хэлсэн зүйл надад үнэн санагдав! Иймээс тэр орой би гэртээ ганцаараа байхдаа ‘Шүүлт Бурханы гэрээс эхэлдэг’ хэмээх номыг гаргаж ирээд, зарим хэсгийг нь уншлаа. Унших тусмаа зүрх сэтгэл минь хөөрч, эдгээр үг миний амийг тэжээж болохыг үнэхээр мэдэрсэн билээ. Яагаад манай пастор ийм сайн номыг уншуулахгүй байсныг гайхлаа. Пастор маань бидний амийг хариуцдаг гэж байнга хэлдэг атлаа номлолдоо өөрийгөө л гэрчилж мэддэг мэт байсан юм. Амь хэрхэн олж авах тухай бидэнд хэзээ ч хэлж байсангүй. Тэгээд би нэг үе маш сул дорой болж, чуулганы цуглаанд явахыг хүсэхгүй байснаа санав. Пастор над дээр хэзээ ч зочлон ирээгүй, мөн ямар нэг дэмжлэг үзүүлээгүй. Гэтэл тэр яахаараа Төгс Хүчит Бурханы үгийг уншиж, жаахан сүнслэг тэжээл авч эхэлмэгц маань гарч ирж, хуучин чуулган руу маань эргүүлэн чирч аваачаад, улиг болсон зүйл давтаж байгаагаа сонсгодог билээ? Энэ чинь миний аминд хариуцлага хүлээж байгаа хэрэг биш шүү дээ! Би хэчнээн буруутсанаа гэнэт ойлгон, өөрийгөө асар их буруутгалаа: Төгс Хүчит Бурханы үг миний амийг хангаж чадсан тул Бурханаас ирсэн байж тун магадгүй байв. Би яагаад тийм тэнэг, харалган байж, пасторын хэлсэн үгэнд итгэн, үнэн замыг судлахаа больж чадав аа? Тэгээд бас Ван эгч намайг үргэлж хайрлах сэтгэлээр дэмжин, Бурханы эцсийн өдрүүдийн авралыг хүртээхийн тулд Бурханы эцсийн өдрүүдийн ажлыг надад гэрчилдэг байсан талаар бодлоо. Гэтэл би Ван эгчид төдий л сайхан хандалгүй, бүр хэд хэдэн удаа түүнтэй уулзахаас зайлсхийж байсан юм. Би эгчид дайсан мэт хандах ёсгүй байж. Ингэж бодоод би туйлын их гуниглалаа. Иймээс би Эзэний өмнө очиж, нулимстайгаар гэмшлийн залбирал хийв: “Эзэн минь, Бурханы үгийн номыг надад авчирсан тэр эгчид би дайсан мэт хандаж, эгчээс нүүр буруулсан. Энэ нь хүнээс нүүр буруулж байгаа биш, харин үнэндээ Таны авралаас татгалзаж байгаа хэрэг байж! Эзэн минь, би тэр пасторуудын үгэнд орж, Бурханы эцсийн өдрүүдийн ажлыг судлахаа болих ёсгүй байснаа одоо мэдлээ. Би Танд гэмшмээр байгаа ч Ван эгчийг яаж олохоо мэдэхгүй байна. Надад туслаач дээ…” Залбирсныхаа дараа би тэр номыг дахин барьж аваад, шөнө дүл болтол уншсан юм. Унших тусам агуулга нь сайн санагдаж, Төгс Хүчит Бурханы үгийг уншихыг минь болиулсан пасторуудыг улам их жигших болсон билээ.

Залбирлыг минь сонссон Эзэнд би маш их талархсан юм! Маргааш нь үд дунд намайг хооллож байх үеэр Ван эгч манай гэрт ирэв. Би хамгийн сүүлд уулзсанаас хойш болсон бүх зүйлийн талаар эгчид ярьж өглөө. Эгч шашин дотроос тэжээл олж авч чадахгүй байсныг минь дуулаад, Төгс Хүчит Бурханы үгийн ийм хэсгийг уншиж өгөв: “Бурхан энэ баримтыг хэрэгжүүлнэ: Тэр орчлон ертөнц дахины хүмүүсийг Өөрийнхөө өмнө ирүүлж, газар дээрх Бурханыг шүтүүлэх ба өөр газрууд дахь Түүний ажил зогсож, үнэн замыг эрж хайхад хүмүүсийг албадна. Энэ нь Иосеф шиг байх болно: Түүнд идэх юм байсан учраас хүн бүр хоол авах гэж түүн дээр ирж, түүнд мэхийдэг байсан. Өлсгөлөнгөөс зайлсхийхийн тулд хүмүүс үнэн замыг эрж хайхаас өөр аргагүй болно. Шашны нийгэмлэг бүхэлдээ асар их өлсгөлөн амсах ба зөвхөн өнөөдрийн Бурхан л хүний таашаалыг хангах мөнх урсах булгийг эзэмшсэн, амийн усны ширгэшгүй булаг бөгөөд хүмүүс Түүн дээр ирж, Түүнд найдна” (Үг нь махбодоор илэрсэн номын “Мянган жилийн хаанчлал ирчихсэн”-ээс). Дараа нь эгч надтай ийнхүү нөхөрлөлөө: “Бурхан бол амийн усны эх булаг, Бурхан л хүмүүсийн амийг хангаж чадна. Хүмүүс Бурханыг орхих үед модноосоо тасарсан мөчир мэт бүх зүйл харанхуйлж, хатаж ганддаг. Бид Бурханд итгэхдээ Хурганы мөрийг ойр дагаж, Бурханы өнөөгийн ажлыг хүлээн зөвшөөрч, Бурханы өмнө очих ёстой, учир нь ингэснээр л бид Ариун Сүнсний ажил, Бурханы амийн амьд усны тэжээл, хангалтыг олж авч чаддаг. Шашны тэр пастор, ахлагчдыг сонсохоор яагаад тэжээл авч чаддаггүй вэ? Үүнд хоёр шалтгаан бий. Нэгдүгээрт, тэр пастор, ахлагчид Эзэний тушаалыг баримталдаггүй, мөн Эзэний үгийг хэрэгжүүлдэггүй. Тэдэнд Бурханаас эмээх зүрх сэтгэл байх нь бүү хэл, амийн бодит туршлага байдаггүй, Бурханы талаарх бодит мэдлэг бүр ч байдаггүй. Тэгээд ажил, номлолдоо Бурханыг огт өргөмжилдөггүй, мөн Түүнд гэрчлэл хийдэггүй. Тэд үргэлж өөрсдийгөө магтаж, өөрсдөдөө гэрчлэл хийдэг. Эзэний замаас бүрэн гажсанаараа тэд, хүмүүсийг хуурдаг, байдаг л нэг хуурамч хоньчид болсон юм. Ийм учраас тэд Ариун Сүнсэнд жигшигдэн гологддог бөгөөд Түүний гэгээрэл, удирдамжийг хэзээ ч олж авч чаддаггүй. Шашны нийгэмлэг ийм их эзгүйрсэн байдгийн гол шалтгаан нь энэ. Нөгөө шалтгаан нь гэвэл, Эзэн Есүс шинэ эрин үеийн ажлыг хийхээр аль хэдийн эргэн ирээд байна. Ариун Сүнс Нигүүлслийн эрин үеийн хүмүүсээс ажлаа аль хэдийн татан аваад, Бурханы шинэ ажилтай хөл нийлүүлж буй бүлэг хүмүүс дээр одоо ажиллаж байгаа. Гэвч пастор, ахлагчид Бурханы шинэ ажлыг огт судалдаггүй бөгөөд Бурханы мөрийг дагаж, Түүний удирдлагыг хүлээн зөвшөөрдөггүй. Харин ч тэд Бурханы эцсийн өдрүүдийн ажлыг улайран эсэргүүцэж, яллан, эцсийн өдрүүдийн Христ болох Төгс Хүчит Бурханыг гүтгэж, доромжлохоос өөрийг хийдэггүй. Тэд үнэн замыг судлах, Бурханд эргэн очиход нь итгэгчдэд саад болохын тулд чадах бүхнээ хийснээр Эзэнийг загалмайд цовдолсон фарисайчуудтай яг адилхан болсон. Бурхан тэднийг аль хэдийн яллаж, хөөн зайлуулсан тул Ариун Сүнс тэдэн дээр ажиллах аргагүй юм. Иймээс бид амийн тэжээл хүлээн авахыг хүсвэл Ариун Сүнсний өнөөгийн ажилтай хөл нийлүүлж, Бурханы одоо илэрхийлж буй үгийг хүлээн зөвшөөрч, эцсийн өдрүүдийн Христ болох Төгс Хүчит Бурханы удирдлага, хангалт, хариулгыг хүлээн зөвшөөрөх ёстой. Үнэн ба амийг олж авах цорын ганц арга зам бол энэ. ‘Би бол зам, үнэн, амь юм’ (Иохан 14:6). ‘Гэхдээ өөрт нь Миний өгөх уснаас уудаг хэн ч, хэзээ ч цангахгүй; харин Миний өгөх ус түүний дотор мөнх амь руу оргилох булаг болно’ (Иохан 4:13-14) хэмээн Эзэн Есүсийн хэлсэн үгийг энэ нь биелүүлдэг.

Пастор, ахлагчид болон теологийн оюутнуудад номлохуйц зүйл байхгүй байсны учрыг би Бурханы үгийн талаарх Ван эгчийн нөхөрлөлийг сонссоныхоо дараа гэнэт ухаарсан юм: Тэдэнд үнэн байхгүй юм байна! Бурханыг эсэргүүцдэг тэднийг Ариун Сүнс аль эрт орхижээ. Тэд номлох үедээ гагцхүү оюуны мэдлэгтээ л найддаг болохоос Ариун Сүнсний гэгээрэлгүй байдаг тул номлол нь хэнд ч ашиг тус өгдөггүй юм байна. Гэвч миний ойлгохгүй бас нэг зүйл байсан тул Ван эгчээс: “Бүх пастор, ахлагч Библийг тун сайн мэддэг, мөн шашны сургуульд явсан, ихээхэн амьтай гэцгээдэг. Би Библийг тийм ч сайн ойлгодоггүй, бас тэднийг амийн хувьд үнэхээр надаас илүү боловсорсон гэж бодсон учраас тэдний үгэнд орсон юм. Тийм болохоор би одоо тэдэнд үнэхээр тийм их амь байдаг эсэхийг хэлж мэдэхгүй байна. Эгч ээ, тэдэнд үнэхээр тийм их амь байдаг гэж та бодож байна уу?” хэмээн асуув. Ван эгч ингэж хариуллаа: “Хэн ч өөрсдөд нь амь бий гэж гэрчилж болохгүй. Энэ нь бүгд Бурханы үгийн дагуу шийдэгддэг. Амьтай байна гэж юу гэсэн үг вэ? Ялангуяа ямар зүйл харагдах ёстой вэ? Эзэн Есүс ингэж хэлсэн байдаг: ‘Би бол зам, үнэн, амь юм’ (Иохан 14:6). Мөн Төгс Хүчит Бурханы хэлснээр: ‘Чи бодит байдлыг эзэмшдэг үү, үгүй юу гэдэг нь хэлдэг зүйлд чинь үндэслэдэггүй, харин амьдран харуулдаг зүйлд чинь үндэслэдэг. Бурханы үг чиний амь, төрөлхийн илэрхийлэл болох нь л бодит байдалд тооцогддог ба зөвхөн энэ нь л ойлголт болон бодит биеийн хэмжээг эзэмшсэн гэж тооцогддог. Чи удаан хугацааны турш шинжилгээг давж гарч чаддаг байх ёстой, мөн Бурханы чамаас шаарддаг дүр төрхийг амьдран харуулж чаддаг байх ёстой; энэ нь хэлбэрдэх төдий байж болохгүй, харин чамаас аяндаа урган гарч байх ёстой. Тэр үед л чи үнэхээр бодит байдалтай болно, мөн тэр л үед амийг олсон байх болно’ (Үг нь махбодоор илэрсэн номын “Үнэнийг хэрэгжүүлэх нь л бодит байдалтай байх явдал юм”-аас). ‘Олон хүнд амь байдаггүй гэж яагаад хэлдэг вэ? Учир нь тэд Бурханыг мэддэггүй, тиймээс тэдний зүрх сэтгэлд Бурхан байхгүй, мөн амь байхгүй гэж хэлдэг’ (Үг нь махбодоор илэрсэн номын “Бурханыг мэддэг хүмүүс л Бурханд гэрчлэл хийж чадна”-аас). Христ бол үнэн, зам, амь гэдгийг Бурханы үгээс бид харж болно. Үнэн хүмүүсийн амь болж чаддаг тул үнэнийг олж авна гэдэг амь олж авахтай адилхан бөгөөд амьтай байх нь хүн үнэнийг олж авсан, Бурханыг мэддэг гэдгийг илтгэдэг. Үнэнийг ойлгодоггүй, Бурханы хүслийг ойлгодоггүй хүн Бурханаас эмээх сэтгэлгүй байх бөгөөд Бурханы үгийн бодит байдлыг амьдран харуулж чадахгүй. Өөрөөр хэлбэл, тэд ямар ч амьгүй байдаг. Хэрэв хүн Бурханы үгийг амиа болгоогүй бол өөрсдийнх нь дотор төрөлхөөс байдаг Сатаны хорын дагуу амьдарсаар байх болно. Тэд биеэ тоосон, ихэрхүү, аминчхан, жигшүүртэй, зальхай, ов мэхтэй байдал гэх зэрэг завхарсан зан чанараа байнга илчилдэг. Тэгээд Бурханд итгэдэг байлаа ч гэсэн Бурханаас эмээж, муугаас зайлж чаддаггүй. Тэд байнга худал хэлж, хууран мэхэлж, нүгэл үйлдэж, Бурханыг эсэргүүцсээр байдаг. Тэднийг ер нь яаж амьтай хүмүүс гэж нэрлэж болох юм бэ? Хэрэв тэд өөрсдийгөө амьтай гэж хэлбэл энэ нь Бурханы үгийг туулж, үнэнийг олж авснаар үүсдэг шинэ амь биш, харин ердөө л Бурханыг эсэргүүцдэг завхарсан зан чанараар дүүрэн өнөөх махан биеийн, сатанлаг амь байдаг. Иймээс пастор, ахлагчид Библийг мэддэг, Библи болон теологийн онолын талаар мэдлэгтэй байж болох ч, энэ нь Бурханыг мэддэг, Бурханаас эмээдэг, үнэнийг ойлгож, Ариун Сүнсний ажилтай байдаг гэсэн үг биш юм. Мөн тэд Эзэний үгийг хэрэгжүүлж, Түүнийг дуулгавартай дагадаг гэсэн үг яавч биш. Харин ч тэд ихэвчлэн өөрсдийгөө өргөмжилж, гэрчилж, гол төлөв итгэгчдээр өөрсдийгөө шүтүүлэхээр оролддог нь харагддаг. Тэд биеэ тоосон, ихэрхүү, Бурханаас айх айдасгүй байж, хүмүүсийг хуурахын тулд хоёр нүүр гаргаснаар Сатаны төрхийг л илчилж, амьдран харуулдаг. Тэд Эзэний үгийн талаарх ямар ч бодитой мэдлэг, бусад хүнд ашиг тустай аливаа бодит туршлагын талаар ажлаараа ч, номлолоороо ч ярьж чаддаггүй. Тэднийг хэчнээн олон жил сонслоо ч гэсэн ямар нэг үнэнийг хэзээ ч ойлгохгүй бөгөөд амь чинь хэзээ ч өсөхгүй. Тэд Бурханы талаар, мөн Түүний ажлын талаар ямар ч мэдлэггүй байдаг ба Бурхан үнэнийг илэрхийлж, шүүлтийн ажлаа хийхээр эцсийн өдрүүдэд махбодод эргэн ирэх үед зүрх сэтгэлдээ Бурханаас айх өчүүхэн төдий ч айдасгүйгээр улайран эсэргүүцэж, яллаж, доромжилдог. Тэдэнд ямаршуухан амь байдаг вэ? Сатаны амь л байдаг. Тэд Библийг сайн мэддэг, өөрсдийгөө Бурханд чин сэтгэлээсээ итгэдэг, амьтай гэж боддог байсан ч Бурханыг мэдэлгүй, бүр Эзэнийг эсэргүүцэж, яллаж, загалмайд цовдолсон фарисайчуудтай яг адил. Хүн Библийг сайн мэддэг байлаа гээд үнэн болон амьтай байдаг гэсэн үг биш гэдгийг энэ нь бидэнд хэлж байна. Үнэнийг ойлгож, хэрэгжүүлдэг, Бурханыг мэддэг, Бурханаас эмээх зүрх сэтгэлтэй, Бурханы үгийн дагуу амьдарч чаддаг хүмүүс л амьтай байдаг. Өөрсдийгөө нэлээд их амьтай гэж тэр пастор, ахлагчид хэлдэг нь итгэгчдийг мэхэлж, өөрсдийгөө хуурч байгаа хэрэг юм.”

Төгс Хүчит Бурханы үг, Ван эгчийн нөхөрлөлийг сонссоны дараа оюун санаанд минь бүх зүйл тов тодорхой болсон юм. Библийг сайн мэддэг, тайлбарлаж чаддаг байлаа гээд үнэнийг ойлгодог, Бурханыг мэддэг, амьтай байдаг гэсэн үг биш юм байна. Өмнө нь би өндөр дээд байр суурьтай, теологи судалсан, Библийн мэдлэгтэй хүмүүс бүгд маш их амьтай байдаг гэж боддог байлаа. Гэвч миний үзэл бодол ямар ч утгагүй байсныг одоо ойлгов. Үнэнгүй хүмүүс ялган салгаж чаддаггүй бөгөөд амархан хууртдаг юм шиг байна. Тэгээд би Ван эгчээс нэг асуулт асуулаа: “Төгс Хүчит Бурхан үгээ маш сайн хэлэх юм. Бид Түүний үгийг няхуур уншихад л Бурханы үг, Бурханы дуу хоолой мөн гэдгийг нь ухаарна шүү дээ. Гэтэл пастор, ахлагчид яагаад үүнийг хүлээн зөвшөөрөхгүй, бүр Түүнийг эсэргүүцэж, яллахын тулд чадах бүхнээ хийдэг юм бэ?” Ван эгч ийн хариулав: “Одоо эцсийн өдрүүдэд Төгс Хүчит Бурхан ирээд, завхарсан хүн төрөлхтнийг цэвэрлэж, аврахад шаардлагатай бүх үнэнийг илэрхийллээ. Эдгээр үнэн бол Бурханы бидэнд хайрласан мөнх амийн зам юм. Хүмүүс Бурханы үгийг нухацтайгаар уншиж байгаа цагт эдгээр үг бол үнэн, зам, амь мөн бөгөөд хүн төрөлхтний амьд үлдэх үндэс суурь, хөтөч юм гэдгийг хүлээн зөвшөөрөх болно. Энэ бол баримт. Хэдийгээр ихэнх пастор, ахлагч Бурханы эцсийн өдрүүдийн ажлыг эсэргүүцэж, яллан, Төгс Хүчит Бурханы үгийг уншихад нь хүмүүст саад хийхээр оролддог ч тэдгээр үгэн дэх эрх мэдэл, хүч чадлыг сонсож чадахгүй гэсэн үг биш. Зарим пастор, ахлагчид ямар ч хэрэгтэй зүйл номлож чадахгүй болохоороо Төгс Хүчит Бурханы үгийг хулгайлж, итгэгчдэдээ номлодог бөгөөд үүнийгээ Ариун Сүнсний өөрсдөд нь хайрласан гэгээрэл гэцгээдэг. Гэвч тэд яагаад Төгс Хүчит Бурханыг улайран эсэргүүцэж, ялласаар байдаг юм бэ? Энэ нь үнэнийг үзэн яддаг уг чанар, мөн чанартай нь холбоотой. Эзэн Есүс анх ажлаа хийж эхэлсэн үеийг эргэн санавал, Тэрээр олон гайхамшиг үзүүлснээс ялангуяа Лазарыг дахин амилуулж, таван мянган хүнийг таван талх, хоёр загасаар хооллосон нь Иудейн газар нутаг даяарх ард түмний хувьд илүү гайхамшигтай байлаа. Иймээс тухайн үед эгэл жирийн олон хүн Эзэн бол Мессиагийн ирэлт мөн гэдгийг үг, ажлаас нь таньсан юм. Гэвч иудейчүүдийн удирдагчид Эзэн Есүсийг хүлээн зөвшөөрөхийн оронд Түүнийг эсэргүүцэж, яллаж, эцэстээ Ромын засгийн газартай хуйвалдан Эзэнийг цовдолсон. Яагаад ийм зүйл болсон юм бэ? Тэд Эзэн Есүсийн үгэн дэх эрх мэдэл, хүч чадлыг сонсож чадаагүй учраас тэр үү? Үгүй ээ! Эзэн Есүсийн замыг улам олон хүн хүлээн зөвшөөрч байхыг харснаас тэр юм. Бүхий л эгэл ард Эзэн Есүст итгэх юм бол өөрсдийг нь хэн ч дагахгүй, шүтэхгүй бөгөөд тэд байр суурь, амин зуулгаа алдана гэж бодсон учраас тэгсэн юм. Эзэн Есүс бол Бурхан гэдгийг тэд тодорхой мэдэж байсан атлаа Түүнийг албаар эсэргүүцсэн байдаг. Энэ нь Бурханыг эсэргүүцэж, үнэнийг үзэн яддаг антихрист мөн чанарыг нь илчилсэн билээ. Эзэн Есүс тэднийг ихэд зэмлэж, ийнхүү хэлсэн: ‘Гэхдээ одоо та нар Бурханаас үнэнийг сонсоод та нарт хэлсэн хүнийг буюу Намайг алахаар хичээж байна’ (Иохан 8:40). ‘Яагаад та нар Миний хэлсэн үгийг ойлгодоггүй юм бэ? Та нар Миний үгийг сонсож чаддаггүйгээс болж байгаа юм.Та нар эцэг диаволаасаа гаралтай бөгөөд эцэгийнхээ хүслийг хийх болно. Тэр анхнаасаа алуурчин байсан ба түүнд ямар ч үнэн байхгүй тул Үнэнийг баримталдаггүй’ (Иохан 8: 43-44). Одоо үед, шашны нийгэмлэгийн өнөөгийн удирдагчдын уг чанар болон мөн чанарыг Төгс Хүчит Бурханы үг тов тодорхой илчлээд байна. Төгс Хүчит Бурхан ингэж хэлсэн байдаг: ‘Том сүмд Библи уншдаг хүмүүс Библийг өдөр бүр цээжээр уншдаг хэдий ч нэг ч хүн Бурханы ажлын зорилгыг ойлгодоггүй. Нэг ч хүн Бурханыг мэдэх чадваргүй; түүнчлэн нэг ч хүн Бурханы хүсэлд нийцдэггүй. Тэд бүгдээрээ хэрэггүй, өөдгүй хүмүүс бөгөөд бүгд өндөрт зогсож, Бурханд сургамжилдаг хүмүүс юм. Тэд Бурханы нэрээр далайлгадаг атлаа Түүнийг санаатайгаар эсэргүүцдэг хүмүүс юм. Тэд өөрсдийгөө Бурханд итгэгчид гэж нэрлэдэг ч хүний махыг идэж, цусыг уудаг хүмүүс юм. Ийм хүмүүс бүгд хүний сүнсийг залгидаг диаволууд, зөв замд ороход нь хүмүүсийг санаатайгаар үймүүлдэг толгойлогч чөтгөрүүд, мөн Бурханыг эрж хайдаг замд хүмүүст саад болдог бул хар чулуу билээ. Хэдийгээр тэд ‘эрүүл чийрэг бие махбодтой’ ч Бурханыг эсэргүүцэхэд хүмүүсийг хөтөлдөг антихристүүд гэдгийг дагагчид нь яаж мэдэх юм бэ? Ялангуяа хүний сүнсийг залгидаг амьд диаволууд гэдгийг нь тэд яаж мэдэх юм бэ?’ (Үг нь махбодоор илэрсэн номын “Бурханыг мэддэггүй бүх хүн бол Бурханыг эсэргүүцдэг хүмүүс юм”-аас). Өнөөдөр шашны нийгэмлэгийн энэ удирдагчид яг л хуучин цагийн фарисайчууд шиг байгаа юм. Тэд Библийг сайн мэддэг хэрнээ Бурханы ажлын талаар юу ч мэддэггүй. Тэгээд Бурханы илрэлтийг хүсэн хүлээж, эрж хайдаг улам олон хүн Төгс Хүчит Бурханы үгийг хүлээн зөвшөөрч байгааг хараад, итгэгчид бүгд Төгс Хүчит Бурханд итгэх юм бол хэн ч өөрсдийг нь дагаж, мөнгө хандивлахаа болино гэхээс айж байна. Иймээс тэд байр суурь, амин зуулгаа хамгаалахын тулд Эзэнд үнэнч байж, Түүний сүргийг хамгаалж байна хэмээх нэрийдлээр Бурханы эцсийн өдрүүдийн ажлыг улайран эсэргүүцэж, яллаж байгаа бөгөөд үнэн замыг эрж хайж, судлахад нь итгэгчдэд саад болохын тулд чадах бүхнээ хийдэг. Иймээс шашны удирдагчид бол үнэндээ үнэнээс залхсан, үнэнийг үзэн яддаг фарисайчууд гэдгийг бид эдгээр баримтаас харж болно. Тэд бол хүмүүсийн сүнсийг залгидаг амилсан чөтгөр, Бурханы эцсийн өдрүүдийн ажлаар илчлэгдэж буй антихристүүд юм.”

Ариусгалтад хүрэх зам

Кристофер, Филиппин

Намайг Кристофер гэдэг, би Филиппин дэх гэр чуулганы пастор. 1987 онд баптисм хүртэж, Эзэн Есүс рүү эргэж, дараа нь Эзэний нигүүлслээр 1996 онд орон нутгийн чуулганы пастор болсон юм. Тухайн үед би Филиппиний олон газарт ажиллаж, номлож байсан төдийгүй Хонг Конг, Малайз зэрэг газруудад ч номлож байв. Ариун Сүнсний ажил болон удирдамжаар дамжуулан Эзэний төлөөх ажилдаа би шавхагдашгүй эрч хүчтэй, номлолдоо дуусашгүй урам зоригтой байдаг байлаа. Би сөрөг, сул дорой болсон ах, эгч нартаа үргэлж дэмжлэг үзүүлдэг байсан юм. Заримдаа тэдний үл итгэгч гэр бүлийнхэн надтай нөхөрсөг бус харьцах үед би хүлээцтэй, тэвчээртэй байж мөн л чаддаг байв; би Эзэнд итгэх итгэлээ алдаагүй бөгөөд Эзэн тэднийг өөрчилж чадна гэдэгт итгэдэг байлаа. Иймээс, итгэгч болсноосоо хойш би асар их өөрчлөгдсөн юм шиг санагддаг. Гэвч 2011 оноос эхлээд би Ариун Сүнсний ажлыг урьдын адил хүчтэй мэдрэхээ болив. Аажмаар би номлолынхоо шинэ гэгээрлийг алдаж, нүгэлтэй амьдралаас ангижрах хүч чадал дутаж байлаа. Эхнэр, охин хоёр маань миний дургүй зүйлийг хийж байхыг харах үедээ би өөрийн эрхгүй тэдэнд уурлаж, уурласандаа тэднийг загнадаг байв. Энэ нь Эзэний хүсэлтэй нийцэхгүй байгааг мэдэж байсан ч биеэ барьж чадахгүй байлаа. Энэ нь миний хувьд маш их шаналгаатай байсан юм. Би нүгэл үйлдээд, дараа нь нүглээ улайх амьдралаас өөрийгөө салгахын тулд Библи уншиж, мацаг барьж, залбирахад шамдан, хамт эрж хайж, судлах сүнслэг пасторуудыг хаа сайгүй хайлаа. Гэвч миний бүх хүч чармайлт талаар болсон бөгөөд нүгэлт амьдрал, сэтгэл дэх харанхуй байдалд минь ямар ч өөрчлөлт гарсангүй.

2016 оны хаврын нэгэн орой эхнэр минь надаас “Кристофер, ойрд үнэхээр их зовуурьтай байгааг чинь би анзаарлаа. Сэтгэлд чинь юу бодогдоо вэ?” гэж асуув. Намайг юу зовоогоод байгааг би эхнэртээ хэлэв: “Би пастор болж, Эзэнд олон жилийн турш итгэсэн мөртөө сүүлийн хэдэн жил яагаад өөрийгөө нүгэлт амьдралаас чөлөөлж чадахгүй байна вэ гэж гайхширч байлаа. Би Эзэнийг мэдэрч чадахаа болиод, Эзэн намайг хаячихсан юм шиг л байна. Би хаа сайгүй явж номлодог хэдий ч чөлөөт цагаараа, ялангуяа шөнө дүлээр үргэлж хоосон, түгшүүртэй санагдаж, энэ мэдрэмж ерөөсөө улам нэмэгдсээр байна. Би энэ олон жилд Эзэнд итгэж, Библийг ихээхэн уншиж, Эзэний маш олон номлолыг сонсон, загалмай үүрч, өөрийгөө ялан дийлнэ гэж байнга шийдэж байсан боловч үргэлж нүгэлд хүлэгддэг тухайгаа боддог. Би ашиг сонирхол, нэр нүүрээ хамгаалахын тулд худал хэлж чаддаг бөгөөд ‘Тэдний амнаас ямар ч худал олдсонгүй’ (Илчлэл 14:5). гэдгийг хэрэгжүүлж чаддаггүй. Бэрхшээл, цэвэршүүлэлттэй тулгарах үедээ эдгээр нь Эзэний зөвшөөрлөөр тохиолдож байгааг мэддэг хэдий ч Эзэний талаар гомдоллож, Түүнийг буруугаар ойлгохоо больж мөн л чаддаггүй. Би өөрийгөө дуртайяа үгүйсгэж огт чаддаггүй. Ийм маягаар нүгэлд амьдарч байгаад би Эзэнийг ирэхэд тэнгэрийн хаанчлалд орж чадахгүй гэж айж байна!”

Үүнийг сонсоод эхнэр маань: “Кристофер, чи яаж ингэж бодож чадаж байна аа? Чи итгэлтэй байх ёстой; чи чинь пастор шүү дээ! Хэдийгээр бид нүгэл дотор амьдарч, нүглийн хүлээсээс ангижраагүй боловч Библид ‘Хэрвээ та Эзэн Есүсийг амаараа хүлээн зөвшөөрч, Бурхан Түүнийг үхлээс амилуулсан гэж зүрх сэтэлдээ итгэвэл аврагдах болно’ (Ром 10:9). ‘Учир нь Эзэний нэрийг дуудах хэн боловч аврагдах болно’ (Ром 10:13). Бид Библи уншиж, цуглаанд оролцож, Эзэнд залбирч, загалмайгаа үүрэн, Эзэнийг хоёр дахиа ирэх хүртэл алдалгүй дагасаар байгаа цагт бид тэнгэрийн хаанчлалд орж, Эзэний ерөөлийг хүлээн авч чадна” гэж хэллээ.

Би дараа нь эхнэртээ ингэж хэлэв: “Би өмнө нь тэгж боддог байсан ч Петр 1:16-д ‘Би ариун учраас та нар ариун байгтун.’ Би Эзэнд гучин жил итгэсэн атлаа Эзэний замыг сахиж чадалгүй, нүгэл дунд амьдарч, Эзэнийг үргэлж эсэргүүцэх чадвартай хэвээр байна. Би Эзэний шаардлагад өчүүхэн ч нийцдэггүй. Өө! Эзэний сургаалыг дуулгавартай дагахаар би хэчнээн удаа шийдсэн ч Түүний үгийг хэрэгжүүлж чадаагүй билээ дээ. Ийм байхад би яаж тэнгэрийн хаанчлалд ороход тохирох юм бэ? Эзэн Есүс: ‘Намайг, ‘Эзэн минь, Эзэн минь’ гэсэн бүхэн тэнгэрийн хаанчлалд орохгүй; харин тэнгэрт байгаа Миний Эцэгийн хүслийг биелүүлдэг хүн орно’ (Матай 7:21). Эзэний үгийн дагуу бол тэнгэрийн хаанчлалд орох нь бидний боддог шиг энгийн биш. Эзэн ариун учраас Түүний үгийг хэрэгжүүлж чаддаггүй, Түүнийг байнга эсэргүүцдэг хүмүүс яаж тэнгэрийн хаанчлал руу өргөгдөж чадах билээ? Өөрчлөгдсөн, Бурханы хүслийг хэрэгжүүлдэг хүмүүс л тэнгэрийн хаанчлалд орж чадна!”

Эхнэр минь түр зуур бодоод, “Чиний хэлсэн зүйл ортой байна. Эзэн ариун бөгөөд бид нүгэлтэй хэвээр байгаа. Бид Бурханы хаанчлалд ороход тохирохгүй. Зүгээр л … би гэнэт саналаа л даа … Лиу пастор Солонгос пастор Кимийг чуулганд урьсан биш үү? Хоёулаа энэ асуудлаар бага зэрэг эрэлхийлбэл ямар вэ?” гэв. Би: “Тэгье, сайхан санаа байна. Эзэн Есүс: ‘Гуй, тэгвэл та нарт өгнө; хай, тэгвэл олно; тогш, тэгвэл та нарт нээгдэнэ’ (Матай 7:7). Бид эрж хайж байгаа цагт Эзэн биднийг хөтөлнө гэдэгт би итгэж байна. Пасторын хувьд би ах эгч нарын амийг бодолцох ёстой. Би итгэлдээ ёс журамгүй байвал тэдэнд ч, өөртөө ч хор хөнөөл учруулна. Тэгэхээр Ким пасторыг иртэл хүлээгээд энэ асуудлын талаар түүнээс асууя” гэж хэллээ.

Би Ким пасторыг хайж олохыг хүсэж байсан тул түүний нөхцөл байдлын талаар бага ч болов мэдэхийг хүссэн юм. Ингээд би түүний байдаг Солонгос чуулганыг интернэтээс хайв. Гарч ирсэн хуудсууд дотор https://mn.kingdomsalvation.org/ вэб сайт харагдлаа. Нээгээд үзэхэд эдгээр үг миний анхаарлыг татав: “Хүн махан биеийн амар амгалан, аз жаргал, гэр бүлийн нэг гишүүний итгэл бүхий л гэр бүлийнхэнд ерөөл авчрах, өвчнийг эдгээх гэх мэт олон нигүүлслийг хүлээн авчээ. Үлдсэн нь хүний сайн үйл хэрэг, мөн түүний сүсэг бишрэлтэй төрх байдал байв; хэрвээ хүн эдгээрт үндэслэн амьдарч чаддаг бол түүнийг хүлээн зөвшөөрч болохуйц итгэгч гэж үздэг байлаа. Зөвхөн ийм итгэгчид л үхсэнийхээ дараа диваажинд орж чадах байсан ба энэ нь тэд аврагдсан гэсэн үг байлаа. Гэвч энэ хүмүүс амьдрах хугацаандаа амийн замыг огт ойлгохгүй юм. Тэдний хийсэн бүхэн нь зан чанараа өөрчлөх ямар ч замаар явалгүйгээр тогтмол давтамжтайгаар нүгэл үйлдэж, дараа нь нүглээ улайх явдал байсан: Нигүүлслийн эрин үе дэх хүний нөхцөл байдал ийм байлаа. Хүн бүрэн аврал хүртсэн үү? Үгүй!” (Үг нь махбодоор илэрсэн номын “Бие махбодтой болохын нууц (4)”-өөс). Эдгээрийг үнэхээр сайн хэлсэн байсан тул би яах ч аргагүй үргэлжлүүлэн уншлаа: “Тиймээс ажлын энэ үе шат дууссаны дараа шүүлт болон гэсгээлтийн ажил хэвээр үлдсэн юм. Энэ үе шат нь, үгийн тусламжтайгаар хүнийг ариусгаж, тийнхүү түүнд дагах зам өгөхийн төлөө байдаг. Хэрвээ чөтгөрийг үргэлжлүүлэн хөөн зайлуулсаар байсан бол энэ үе шат нь үр дүнгүй, утга учиргүй байх байлаа, учир нь хүний нүгэлт уг чанарыг арилгаж чадахгүй бөгөөд хүн нүглээ өршөөлгөөд л зогсох байв. Нүглийн тахилаар дамжуулан хүний нүглийг өршөөсөн, учир нь цовдлолын ажил аль хэдийн дуусаж, Бурхан Сатаныг ялан дийлсэн юм. Гэвч хүний доторх ялзарсан зан чанар хэвээр үлдэж, хүн нүгэл үйлдэж, Бурханыг эсэргүүцсээр байдаг бөгөөд Бурхан хүн төрөлхтнийг олж аваагүй. Тийм учраас ажлын энэ үе шатанд Бурхан хүний ялзарсан зан чанарыг илчлэхийн тулд үг ашиглаж, зөв замын дагуу хэрэгжүүлэхэд түүнийг хүргэдэг. Энэ үе шат нь өмнөхийг бодвол илүү утга учиртай, мөн түүнчлэн илүү үр дүнтэй, учир нь одоо цагт хүний амийг шууд хангаж, хүний зан чанарыг бүрэн шинэчлэхэд хүргэдэг зүйл нь үг билээ; энэ нь ажлын илүү бүрэн гүйцэд үе шат юм” (Үг нь махбодоор илэрсэн номын “Бие махбодтой болохын нууц (4)”-өөс). Үүнийг унших нь миний хувьд тун сэтгэл хөдлөм байлаа. Хэдийгээр би үүнийг бүрэн ойлгож чадахгүй, зарим үг нь бүр будилмаар санагдаж байсан ч эдгээр үг надад жаахан итгэл найдвар харах боломж олгосон юм. Үүн дотроос өөрийгөө ариусгаж, өөрчлөх замыг олж болох юм гэж надад санагдлаа. Миний залбирлыг сонссоных нь төлөө би зүрхнийхээ угаас Бурханд талархаж байв. Үргэлжлүүлэн уншихын хэрээр би эдгээр нь үнэхээр ангасан сүнсийг минь усалж, хариулах гайхалтай үг юм гэдгийг мэдэрсэн билээ. Вэб сайт дээр “Хэрэв та улс орон эсвэл бүс нутгийнхаа Сайн мэдээний шууд холбогдох дугаарыг олж чадахгүй бол бидэнд зурвас үлдээнэ үү, бид тантай аль болох хурдан холбогдох болно” гэж байхыг харав. Би хурдхан хараад Филиппинд зориулсан шууд холбогдох дугаарыг олоогүй тул тэр даруй зурвас үлдээж, холбоо барих дугаар болон э-мэйл хаягаа эргэлзэлгүйгээр бичиж үлдээлээ.

Тэр үдэш гэртээ хариад би эхнэртээ энэ тухай хэлсэн бөгөөд миний хэлснийг сонссоныхоо дараа эхнэр минь ч бас эрж хайхыг хүсэж байв. Маргааш нь тэд миний зурваст хариу өгч, тэр өдрийнхөө үдээс хойш бидэнтэй онлайнаар холбогдохоор зохицуулсанд би Эзэнд үнэхээр талархаж байна. Үдээс хойш нь бид Лиу эгч, Су эгч хоёртой ярилцлаа. Ярианаас нь үзэхэд тэд энгийн, ухаалаг, гүн ойлголттой ярьж байгаа нь мэдрэгдэв. Эхнэр маань надаас ч их санаа зовж, “Би нэг асуулт асуувал болох уу?” гэж асуув. Тэд урам зоригтойгоор: “Мэдээж болно” гэсэн юм. Эхнэр маань: “Танай чуулганы вэб сайт дээр ‘Эцсийн өдрүүдийн Бурхан шүүлт, гэсгээлтийн ажлын үе шатыг хийсэн’ гэж бичсэн байна. Эзэн ариун учраас ариун бус ямар ч хүн Эзэнийг харахгүй гэдгийг нөхөр бид хоёр мэднэ, гэхдээ Ром номд ингэж хэлсэн, ‘Хэрвээ та Эзэн Есүсийг амаараа хүлээн зөвшөөрч, Бурхан Түүнийг үхлээс амилуулсан гэж зүрх сэтэлдээ итгэвэл аврагдах болно’ (Ром 10:9). ‘Учир нь Эзэний нэрийг дуудах хэн боловч аврагдах болно’ (Ром 10:13). Хэрэв бид Эзэн Есүст итгэдэг бол аль хэдийн аврагдсан бөгөөд тэнгэрийн хаанчлалд орж болно, гэтэл эцсийн өдрүүдийн Бурхан яагаад шүүлт, гэсгээлтийн ажлын үе шатыг хийж байгаа юм бэ? Би үүнийг сайн ойлгохгүй байна, тэгээд та нарын бодлыг сонсох гэсэн юм” хэмээн хариулав.

Манан арилж, тэнгэрийн хаанчлалд хүрэх замыг би оллоо

энь Ай, Хятад

Би бага байхаасаа эхлэн эцэг эхээ даган Эзэнд итгэдэг болсон ба одоо өтөл нас хаяанд иржээ. Хэдийгээр би насан туршдаа Эзэнд итгэсэн ч нүглээс хэрхэн ангижирч, тэнгэрийн хаанчлалд орох тухай асуудал миний хувьд сэтгэлийг минь байнга зовоосон, шийдэх аргагүй оньсого байж ирсэн бөгөөд үүнээс үүдэн би төөрөлдөж, шаналах болсон юм. Би нүглээс ангижирч, тэнгэрийн хаанчлалд орох тухай энэ насандаа олж мэдэхийг маш их хүсэж байлаа. Ингэснээр амьдрал минь бүрэн дүүрэн байсан гэх мэдлэгтэйгээр үхэлтэй нүүр тулж, эцэст нь зүрх сэтгэлдээ Эзэнтэй амар тайвнаар уулзаж чадах байв.

Энэ мухардлыг шийдвэрлэхийн тулд би Библиэс идэвхийлэн лавлаж, Хуучин Гэрээнээс Шинэ рүү нь, мөн Шинэ Гэрээнээс Хуучин руу нь орж, Библийг ахин дахин уншсан юм. Гэвч эцэстээ би ямар ч зөв хариулт олж чадсангүй. Сонголтгүй болсон учраас би Эзэний сургаалын дагуу биеэ авч явахад бүх хүчин чармайлтаа зориулахаас өөр аргагүй байлаа. Учир нь Эзэн: “Чармайдаг хүн тэнгэрийн хаанчлалд орно, шаргуу ажилладаг хүн үүнийг олж авдаг” (Матай 11:12). гэж хэлсэн юм. Гэвч бодит амьдрал дээр би хэчнээн их хичээсэн ч Эзэний надад тавьсан шаардлагад нийцэхээр амьдарч чадахгүй гэдгээ олж мэдэв. Яг л Эзэний хэлсэнчлэн: “‘Чи бүх зүрх, бүх сэтгэл, бүх оюунаараа Бурхан Эзэнээ хайрла. Энэ бол хамгийн анхны бөгөөд хамгийн том тушаал юм. Мөн хоёр дахь нь, чи бусдыг өөрийн адил хайрла” гэсэн юм’” (Матай 22: 37-39). Бурханыг бүхий л зүрх, сэтгэлээрээ хайрлах, ах эгч нар бие биеэ хайрлахыг Эзэн биднээс шаарддаг. Гэвч гэр бүлээ гэх хайр Эзэнийг хайрлах хайраас минь илүү байсан бөгөөд чуулган дахь ах эгч нараа би өөрийгөө хайрладаг шигээ үнэхээр хайрлаж ер чадахгүй байсан тул юу ч хийлээ гэсэн ийм хайранд хүрч чадаагүй юм. Харин ч өөрийн минь ашиг сонирхол хөндөгдсөн үед бусдад ихэвчлэн шалихгүй, тооцоотой хандаж, бүр сэтгэлд минь хорсол төрдөг байв. Над шиг хүн ер нь яаж аврагдаж, тэнгэрийн хаанчлалд орж чадах юм бэ? Мөн Эзэн Есүс: “Үнэнээр Би та нарт хэлье, та нар өөрчлөгдөж, жаахан хүүхдүүдтэй адил болохгүй бол тэнгэрийн хаанчлалд орохгүй” (Матай 18:3). “Учир нь Би та нарт хэлье, зөв шударга байдал чинь хуулийн багш нар болон фарисайчуудынхаас давахгүй л бол та нар яавч тэнгэрийн хаанчлалд орохгүй” (Матай 5:20) мэтээр тэнгэрийн хаанчлалд орох тухай олон зүйл хэлсэн. Би Эзэний эдгээр шаардлагын алийг нь ч хэрэгжүүлж чадаагүй юм. Тэгээд ихэвчлэн худал хэлж, өөрт таалагдахгүй зүйлтэй тулгарах бүрдээ Эзэнийг буруутгадаг байлаа. Бодол минь заль мэх, шударга бус байдлыг агуулж, би цаг үргэлж нүгэл дунд шаналж, ахин дахин нүгэл үйлдэж, гэмшдэг байв. Эзэн ариун бөгөөд Библид: “Ариун байдалгүйгээр хэн ч Эзэнийг харахгүй” (Еврей 12:14) хэмээсэн байдаг. Над шиг туйлын бузар хүн яаж тэнгэрийн хаанчлалд ороход тэнцэх юм бэ? Үүнд би маш их бухимдаж байлаа. Гэвч итгэлтэй байж, баптисм хүртэх нь гарцаагүй аврагдсан гэсэн үг, зүрх сэтгэлдээ Эзэнд итгэж, Түүнийг амаараа хүлээн зөвшөөрвөл бид итгэлээр зөвтгөгдөж, үүрд аврагддаг бөгөөд Эзэн дахин ирэх үедээ биднийг тэнгэрийн хаанчлал руу өргөх нь лавтай хэмээн Ром, Галат, Ефест Паулын сайшаан дэмжсэн байдаг итгэлээр зөвтгөгдөх арга замын талаар унших бүрдээ би баяр хөөрөөр бялхдаг байв. Тэгээд тэнгэрийн хаанчлалд орох тухай санаа зовох хэрэггүй мэт санагддаг байлаа. Гэвч хүмүүс өөрсдийн хичээл зүтгэлээр л тэнгэрийн хаанчлалд орж чадах тухай Эзэний хэлсэн үгийг дараа нь санаад, сэтгэл түгшдэг байв. Итгэлээр зөвтгөгдөөд, тэнгэрийн хаанчлалд орно гэдэг нь үнэхээр ийм энгийн байж болно гэж үү? Ялангуяа амьдралынхаа төгсгөлд ойртож буй өтөл насны сүсэгтэй итгэгчид байж суух газраа олохгүй, санаа зовсон байдалтай харагдаж, бүр тасралтгүй мэгшин, хэн нь ч явахдаа баяртай бус байгааг харах үедээ би өөрийн эрхгүй ийн гайхширдаг байлаа: Тэд ганцхан итгэлээр зөвтгөгдөх замаар тэнгэрийн хаанчлал руу орж чадна гэцгээдэг юм байж үхлийн ирмэгт байхдаа яагаад ингэж их айж эмээсэн харагдана вэ? Тэд аврагдсан эсэхээ, үхсэнийхээ дараа хаачихаа огт мэдэхгүй байх шиг санагдсан юм. Эзэн Есүсийн үгийг би ахин дахин тунгааж, Паулын үгийг ч бас эргэцүүлсэн бөгөөд тэнгэрийн хаанчлалд хэн орж чадах тухай асуудал дээр Есүс, Паул хоёрын үг асар их зөрүүтэй байгааг олж мэдлээ. Паулынхаар бол хүн ердөө л Эзэнд итгэснээр итгэлээр зөвтгөгддөг—хэрэв ийм байсан бол хүн бүр аврагдах байлаа. Тэгвэл яагаад Эзэн Есүс: “Мөн тэнгэрийн хаанчлал бол төрөл бүрийн загас барихаар тэнгист хаясан тортой адил юм. Үүнийг дүүрмэгц тэд эрэг дээр татан гаргаад, доош сууж сайныг нь саванд хийж, мууг нь хаяна” (Матай 13:47-48) хэмээсэн юм бэ? Эцсийн өдрүүдэд Эзэн эргэн ирэхдээ яагаад буудайг үрийн сүүлнээс, хонийг ямаанаас, сайн зарцыг муу зарцаас ялгах хэрэгтэй байдаг юм бэ? Эзэн Есүсийн хэлсэн эдгээр үгээс харахад, Эзэнд итгэдэг хүн бүхэн тэнгэрийн хаанчлалд орж чаддаг юм биш гэдэг нь тодорхой байна. Иймээс би ийнхүү бодлогошров: Би аврагдсан уу? Үхэх үедээ би тэнгэрийн хаанчлалд орж чадах уу? Эдгээр асуулт оюун санаанд минь оньсого мэт эргэлдсээр байсан бөгөөд би яаж хариулахаа мэдэхгүй байлаа.

Энэ асуудлыг шийдвэрлэхээр чармайсандаа би үе үеийн алдартай сүнслэг хүмүүсийн бичсэн бүтээлээс лавласан ч миний уншсан зүйлсийн ихэнх нь Ром, Галат, Ефест гардаг итгэлээр зөвтгөгдөх тухай тайлбарууд байсан бөгөөд тэдгээр номын нэг нь ч миний эргэлзээг тайлж чадсангүй. Тэгээд би Эзэн дэх бүх алдартай ахлагчид дээр зочилж, олон өөр урсгалын цуглаанд оролцсон боловч тэд бүгд ерөнхийдөө адилхан зүйл ярьж байгааг олж мэдсэн бөгөөд тэнгэрийн хаанчлалд хэрхэн орох тухай нууцыг хэн ч надад тодорхой тайлбарлаж өгч чадаагүй юм. Дараа нь би сүүлийн үеийн шинэ гадаад урсгал олоод, ийм чуулган жаахан ойлгомжтой тайлбарлаж чадна байх гэж дотроо бодлоо. Иймээс тэдний цуглаанд оролцохоор баяртайгаар явж очив. Тэдний номлолын эхлэл нь жаахан гэрэлтүүлмээр санагдсан боловч төгсгөлд нь тэд ч бас итгэлээр зөвтгөгдөх арга замын талаар номлож байгааг олж мэдээд, асар их урам хугарсан юм. Цуглааны дараа би ахлах пасторыг олж уулзан, “Пастор оо, ‘Нэгэнт аврагдвал үүрд аврагдана’ гэж хэлэхэд тань би ойлгоогүй шиг байна. Та энэ талаар надад илүү их нөхөрлөж болох уу?” гэж асуулаа. Пастор: “Энэ ойлгоход маш амархан зүйл. Ромд, ‘Бурханы сонгосон хүмүүсийг хэн буруутгах вэ? Зөвтгөдөг Нэгэн нь Бурхан билээ. Ялладаг нь хэн юм бэ?’ (Ром 8:33-34) гэсэн байдаг. Эзэн Есүс Христ загалмайд цовдлогдсоноор бидний бүх нүглийг аль хэдийн цагаатгасан юм. Өөрөөр хэлбэл, урьд нь үйлдсэн ч бай, өнөөдөр үйлдэж байгаа ч бай, эсвэл ирээдүйд үйлдэх ч бай хамаагүй, бүх нүгэл маань уучлагдсан гэсэн үг. Бид Христэд итгэх итгэлээр үүрд зөвтгөгддөг ба Эзэн нүглийн маань төлөө биднийг яллахгүй юм бол өөр хэн биднийг буруутгана гэж? Иймээс бид тэнгэрийн хаанчлалд орно гэдэгтээ итгэл алдрах ёсгүй” гэж хариулав. Пасторын хариултад би улам ч их будилсан тул “Еврейд ‘Учир нь үнэний мэдлэгийг хүлээн авсныхаа дараа хэрвээ бид санаатайгаар нүгэл үйлдвэл нүглийн төлөөх тахил цаашид үлдэхгүй’ (Еврей 10:26) гэж бичсэн байдгийг та яаж тайлбарлах вэ?” гэж дараа нь асуулаа. Пасторын царай улайж, өөр юм хэлээгүй бөгөөд асуулт минь хариултгүй үлдэв. Энэ цуглаан миний төөрөгдлийг шийдвэрлэж чадаагүйн дээр бухимдлыг минь нэмэгдүүлсэн юм. “Эзэнд би олон арван жилийн турш итгэсэн боловч үхэх үед миний сүнс Эзэн рүү очих эсэхийг ч тодорхой мэдэхгүй байна, тэгэхээр би насан туршдаа төөрөлдсөн итгэлтэй явсан гэсэн үг бус уу?” гэж би дотроо бодлоо. Тэгээд асуудлынхаа хариултыг газар сайгүй хайхаар замд гарав.

2000 оны 3-р сард би гадаадуудын номлодог номлол давуу байж, төөрөгдлийг минь лавтай шийдвэрлэнэ гэж итгэн, гадаадуудын явуулдаг шашны сургуульд суралцахаар очсон юм. Гэвч гайхмаар нь тэнд хоёр сарын турш суралцан, суралцах хугацаандаа итгэлээр бялхаж байсныхаа дараа би тэдний пасторууд бүгд улиг болсон зүйлээ номлодог, номлолд нь ямар ч шинэ гэрэл байдаггүйг олж мэдлээ. Тэнд байхдаа би амь-өгөх номлолын талаар ганц ч сонсоогүйн зэрэгцээ ганц ч сүнслэг эсээ уншсангүй. Төөрөгдөл маань арилаагүйн зэрэгцээ тэнд өнгөрүүлсэн цаг хугацаа маань намайг улам бүр барьц алдуулсан юм. Би өөрийн эрхгүй тээнэгэлзэн, “Энд хоёр сар гаруй болсон ч юу олж авав аа? Эндээс хангалт олж авч чадахгүй юм бол үргэлжлүүлэн суралцах ямар хэрэг байна?” гэж бодов.

Нэгэн орой хоолны дараа пастороос би: “Пастор оо, теологийн оюутнуудын судалдаг зүйл ингээд л гүйцээ юу? Бид амийн замын талаар ярьж болохгүй юм уу?” гэж асуулаа. Пастор: “Хэрэв бид теологи судлахдаа эдгээр зүйлийг хэлэлцэхгүй юм бол юун тухай ярих болж байна? Тайвшраад, цааш нь судал! Бид дэлхий дээрх шашны хамгийн том байгууллага бөгөөд олон улсад танигдсан. Бид таныг энд гурван жилийн турш сургана, дараа нь та олон улсад пастор гэх гэрчилгээтэй болно. Цаг нь ирэхээр та тэр гэрчилгээгээ дэлхийн хаана ч авч явж, сайн мэдээ номлож, чуулган байгуулж болно” гэж тун ёсорхуу хариуллаа. Пасторын хариултад би үнэхээр урам хугарсан юм. Би пастор болох бус, гагцхүү тэнгэрийн хаанчлалд яаж орох тухай л мэдэхийг хүсэж байлаа. Иймээс би пастороос, “Пастор оо, пасторын гэрчилгээтэй байхад олон үүд хаалга нээгддэг юм чинь үүнийг чинь ашиглаад би тэнгэрийн хаанчлалд орж болох уу?” гэж асуув. Үүнийг сонсоод, пастор дуугаа хураалаа. Би цааш нь: “Пастор оо, таныг хүүхэд байхаасаа эхлэн Эзэнд итгэсэн гэж дуулсан. Итгэснээс тань хойш олон арван жил болсон тул та аврагдсан болов уу гэж би гайхаж байна” гэлээ. Пастор: “Тийм ээ, би аврагдсан” гэж хариулав. “Тэгвэл та тэнгэрийн хаанчлалд орж чадах уу?” гэж би асуулаа. Пастор: “Мэдээж орно шүү дээ!” гэж өөртөө итгэлтэйгээр хариулсан юм. Тэгэхээр нь би ингэж асуув: “Тэгвэл та ямар үндсэн дээр өөрийгөө тэнгэрийн хаанчлалд орж чадна гэж хэлж байгаа вэ гэдгийг тань асууж болох уу? Та хуулийн багш нар, фарисайчуудаас илүү зөв шударга хүн мөн үү? Хөршөө та өөр шигээ хайрладаг уу? Та ариун уу? Бодоод үз дээ: Бид өөрийн эрхгүй цаг үргэлж нүгэл үйлдэж, Эзэний сургаалын эсрэг явж, өдрөөр нүгэл үйлдэн, шөнөөр нүглээ улайдаг байдалтайгаар өдөр бүр амьдардаг. Бурхан ариун тул нүглээр ингэтлээ дүүрсэн бид тэнгэрийн хаанчлалд орж чадна гэж та үнэхээр бодож байгаа гэж үү?” Пастор мухардалд орж, нүүр нь час улайсан бөгөөд нэг хэсэгтээ ахин үг дуугарсангүй. Түүний хариу үйлдэлд би маш их урам хугаран, тэнд үргэлжлүүлэн суралцах юм бол амийг хэрхэн олж авч, тэнгэрийн хаанчлалд орох тухай нууцыг олйгож чадахгүй мэт санагдлаа. Иймээс би шашны сургуульд суралцахаа болиод, төрөлх нутаг руугаа буцав.

Гэртээ харих замдаа би урьд өмнө нь байгаагүйгээр их сэтгэлээр унаж, эцсийн найдлага маань тасарсан мэт санагдаж байлаа. “Нүглээс ангижирч, тэнгэрийн хаанчлалд орох замыг би гадаад пасторуудын явуулдаг шашны сургууль дээрээс эрж хайгаад ч олсонгүй. Энэ замыг эрж хайхын тулд өөр хаашаа явж болох вэ?” гэж дотроо бодлоо. Би замын төгсгөлд хүрсэн мэт санагдаж байв. Яг тэр мөчид, манай хөгшин эцэг болон өндөр настай пасторын үхэх дөхөөд уйлж байсан дүр зураг нүдэнд дахин үзэгдлээ. Тэд итгэлээр зөвтгөгдөх арга замын тухай, мөн хүмүүс үхээд тэнгэрийн хаанчлалд орох тухай насан туршдаа номлосон ч эцэст нь харуусал дүүрэн насан эцэслэсэн нь бодогдов. Би насан туршдаа Эзэнд итгэж, үхэх үедээ тэнгэрийн хаанчлалд орно гэж хүмүүст өдөр бүр хэлсээр байсан ч тэнгэрийн хаанчлалд үнэндээ яаж орох талаар хэзээ ч бодит тодорхой мэдлэггүй байсан юм—би яг л аав, пастор хоёр шигээ энэ амьдралаас харуусал дүүрэн буцах юм гэж үү? Уй гашуу дунд маань Эзэний “Гуй, тэгвэл та нарт өгнө; хай, тэгвэл олно; тогш, тэгвэл та нарт нээгдэнэ” (Матай 7:7) хэмээх үг гэнэт санаанд орлоо. “Тийм шүү. Эзэн бол итгэмжит. Намайг үнэн зүрх сэтгэлээр эрж хайж байгаа цагт Эзэн гарцаагүй замчилна. Би бууж өгч болохгүй. Бие минь амьсгаатай байгаа цагт би тэнгэрийн хаанчлалд хүрэх замыг хайсаар байх болно!” гэж бодогдсон юм. Тэгээд би Эзэний өмнө очиж, ийнхүү залбирлаа: “Хүндэт Эзэн минь, би нүглээс ангижирч, тэнгэрийн хаанчлалд орох замыг хаа сайгүй хайсан боловч асуудлыг маань хэн ч шийдвэрлэж чадсангүй. Хүндэт Эзэн минь, би яах ёстой вэ? Номлогчийн хувиар би, өдөр бүр хичээнгүй эрэлчид байж, эцсээ хүртэл тэвчээртэй байх хэрэгтэй, амьсгал хураасны маань дараа Та ирж, биднийг тэнгэрийн хаанчлалд аваачна гэж ах эгч нартаа хэлдэг. Гэвч энэ мөчид би нүглээс хэрхэн ангижирч, тэнгэрийн хаанчлалд орох талаар үнэхээр мэдэхгүй байна. Сохор нь сохрыгоо хөтөлж, ах эгч нараа нүх рүү чиглүүлж байгаа маань энэ бус уу? Хүндэт Эзэн минь, би тэнгэрийн хаанчлалд орох замыг хаашаа очиж эрж хайх ёстой вэ? Намайг замчлаач!”

Төрөлх нутагтаа эргэн очоод, манай чуулганы олон сайн хонь, тэргүүлэх хоньдыг маань Зүүний Аянга хулгайлсан талаар сонслоо. Зүүний Аянгын зам шинэ ойлголт, шинэ гэрлээр хангадаг талаар олон хүн ярьж байсан бөгөөд туршлагатай пасторууд ч тэдний номлолыг биширч байв. Эдгээр зүйлийг сонсох бүрдээ би: “Зүүний Аянгын хийдэг номлол үнэхээр л сүртэй юм шиг байна. Би Зүүний Аянгын хүмүүстэй таараагүй нь харамсалтай. Нэг л өдөр тэдэнтэй уулзвал тун сайхан аа! Тэр өдөр ирдэг л юм бол би тэдний номлол яагаад тийм сайн байдгийг харж, миний олон жил тээж ирсэн энэ будилааныг тайлж чадах эсэхийг үзэхийн тулд заавал хичээнгүйлэн сонсож, эрж хайна даа” гэж боддог байсан юм.

Нэг өдөр чуулганы удирдагч надад ингэж хэллээ: “Ийм ийм чуулганууд олон сайн хонио Зүүний Аянгад хулгайлуулсан. Одоо бүх урсгалынхан чуулганаа битүүмжилж байна. Зүүний Аянгын хэнтэй ч, яасан ч бүү холбогд, ялангуяа тэдний номлолыг бүү сонс гэж бид ах эгч нараа шавдуулах хэрэгтэй. Хэрэв бүх итгэлтэй хүн маань Зүүний Аянгад итгээд эхэлбэл бид хэндээ номлол хийх болж байна?” Чуулганы удирдагчийнхаа ингэж хэлэхийг сонсоод миний ой гутаж, “Манай чуулган хүн бүхэнд нээлттэй байдаг юм чинь яагаад битүүмжлэх ёстой гэж? Алс газрын танихгүй хүнийг яагаад угтан авахгүй байх гэж? Библид: ‘Танихгүй хүмүүсийг дайлахаа бүү март: учир нь үүгээрээ зарим хүн өөрийн мэдэлгүйгээр тэнгэрэлчүүдийг дайлсан юм’ (Еврей 13:2) хэмээсэн байдаг. Абрахам танихгүй хүмүүсийг оруулсан тул Бурханаар ерөөгдөж, зуун насандаа хүүтэй болсон; Лот хоёр тэнгэрэлчийг оруулсан тул Содомын сүйрлээс аврагдсан; Рахаб гэгч янхан Израилийн тагнуулуудыг оруулж, гэр бүлийнхэн нь бүгд аврагдсан; ядуу бэлэвсэн эмэгтэй эш үзүүлэгч Елиаг хүлээн авснаар гурван жил хагасын туршид өлсгөлөнгөөс ангижирсан. Ийм олон хүний дунд алс газрын танихгүй хүнийг оруулснаасаа болж хорлогдсон хүн алга, харин ч Бурхан тэднийг бүгдийг нь ерөөсөн. Иймээс танихгүй хүмүүсийг оруулах нь Эзэний хүсэлд нийцдэг нь тодорхой байна шүү дээ. Гэтэл та яагаад Эзэний хүслийн эсрэг явж, чуулганыг улайран битүүмжилж, ямар ч танихгүй хүнийг оруулахгүй байгаа юм бэ?” гэж дотроо бодов. Ингэж бодоод би толгой сэгсрэн, удирдагчдаа хэллээ: “Ингэх нь Эзэний хүсэлтэй нийцэхгүй. Манай чуулган Бурханд харьяалагддаг бөгөөд бүгдэд нээлттэй байдаг. Эзэнд итгэх тухай нөхөрлөж байгаа хэнийг ч гэлээ бид угтан авч, нээлттэй сэтгэлээр эрж хайж, үзэл санааг хамтдаа судлах ёстой. Ингэснээр л бид Эзэний сургаалтай нийцнэ.”

2000 оны 7-р сарын нэгэн өдөр би Ван ахын гэрт байхдаа Зүүний Аянгыг номлож байгаа хоёр эгчтэй уулзсан юм. Мэнд усаа товчхон мэдэлцсэний дараа би тэднээс ингэж асуув: “Би аврагдаж, тэнгэрийн хаанчлалд орж чадах эсэх талаараа үргэлж төөрөлдсөөр ирлээ. Одоо шашны ертөнцийнхөн тэр аяараа Паулын үгийг баримталж, зүгээр л итгэж, баптисм хүртсэнээр бид аврагдана, зүрх сэтгэлдээ Эзэнд итгэж, Эзэнийг амаараа хүлээн зөвшөөрснөөр итгэлээр зөвтгөгдөж, үүрд аврагдан, Эзэнийг эргэн ирэхэд тэнгэрийн хаанчлал руу лавтай өргөгдөнө гэж итгэдэг. Гэвч тэнгэрийн хаанчлалд орох нь тийм энгийн байж таарахгүй гэж би хувьдаа бодож байна. Библид хэлсэн байдагчлан: ‘Ариун байдалгүйгээр хэн ч Эзэнийг харахгүй’ Еврей 12:14). Би ч тэр, эргэн тойрны маань ах эгч нар ч тэр бүхэл өдөржингөө нүгэлд амьдарч байхад, өдөр бүр нүгэлд амьдардаг бидэн шиг хүмүүс тэнгэрийн хаанчлал руу орж чадахгүй гэж би бодож байна. Тэгэхээр тэнгэрийн хаанчлалд яг яаж орох вэ гэдгийг л би мэдмээр байгаа юм. Та нар надтай энэ талаар нөхөрлөж болох уу?”

Жоу эгч инээмсэглэн, ингэж хэлэв: “Ах аа, таны асууж байгаа энэ асуулт тун чухал. Тэнгэрийн хаанчлалд хэрхэн орох вэ гэдэг нь итгэгч бүрийн хувьд томоохон асуудал. Энэ асуудлыг тодорхой ойлгоно гэдэг нь Эзэнд итгэгчид байнга хүний хэлсэн зүйлийн дагуу бус, харин Эзэн Есүсийн үгийн дагуу биеэ авч явах ёстой гэдгийг эхлээд мэднэ гэсэн үг. Эзэн Есүс: ‘Намайг, ‘Эзэн минь, Эзэн минь’ гэсэн бүхэн тэнгэрийн хаанчлалд орохгүй; харин тэнгэрт байгаа Миний Эцэгийн хүслийг биелүүлдэг хүн орно’ (Матай 7:21) хэмээн бидэнд тодорхой хэлсэн байдаг. Эзэн бидэнд нигүүлсэлд найдан аврагдах, итгэлээр зөвтгөгдөх төдийхнөөр тэнгэрийн хаанчлалд орж болно гэж хэзээ ч хэлээгүй. Итгэлээр зөвтгөгдөх, итгэлээс үүдэн үүрд аврагдах, дараа нь тэнгэрийн хаанчлал руу өргөгдөх гэдэг нь Паулын үг байсан юм. Паул ердөө л эш үзүүлэгч, завхарсан хүн төрөлхтний нэг байсан бөгөөд Эзэн Есүсийн аврал түүнд ч бас хэрэгтэй байсан. Бусад хүн тэнгэрийн хаанчлалд орж чадах эсэхийг Паул яаж тодорхойлж чадах юм бэ? Эзэн Есүс л тэнгэрийн хаанчлалын Эзэн, тэнгэрийн хаанчлалын Хаан мөн; Эзэний үг л үнэн бөгөөд эрх мэдэлтэй байдаг. Иймээс бид тэнгэрийн хаанчлалд хэрхэн орж чадах тухайд Эзэний үгийг л сонсох ёстой нь гарцаагүй!

“Тэгэхээр ‘Итгэлээр зөвтгөгдөх, итгэлээсээ үүдэн аврагдах гэж ер нь юу юм бэ?’, ‘Аврагдмагцаа тэнгэрийн хаанчлал руу орж чадах уу?’ гэх асуултууд гарна. Эдгээрийг Төгс Хүчит Бурханы үг маш тодорхой тайлбарласан байдаг тул одоо Бурханы үгийн хоёр хэсгийг уншицгаая. Төгс Хүчит Бурхан ингэж хэлсэн байдаг: ‘Есүс эцсийн өдрүүдэд бууж ирнэ гэдгийг л чи мэддэг, гэхдээ Тэр яг хэрхэн бууж ирэх вэ? Дөнгөж золин аврагдсан боловч өөрчлөгдөөгүй, эсвэл Бурханаар төгс болгуулаагүй чам мэтийн нүгэлтэн Бурханы зүрх сэтгэлийн дагуу байж чадах уу? Одоо ч гэсэн хуучин хэвээрээ байгаа чиний хувьд, Есүсээр авруулсан бөгөөд Бурханы авралын улмаас нүгэлтэн гэж тооцогдохгүй байгаа чинь үнэн боловч чи нүгэлтэй биш, бохир заваан биш гэдгийг энэ нь батлахгүй. Хэрвээ өөрчлөгдөөгүй юм бол чи яаж ариун байж чадах юм бэ? Дотроо чи бохир заваанаар дүүрч, хувиа хичээсэн агаад өөдгүй, гэсэн ч чи Есүстэй хамт буухыг хүссээр байдаг—тийм азтай явдал байх уу! Бурханд итгэх итгэлдээ чи нэг алхмыг орхисон: Чи зүгээр л золин аврагдсан, гэхдээ өөрчлөгдөөгүй. Чи Бурханы зүрх сэтгэлийн дагуу байхын тулд, чамайг өөрчилж, ариусгах ажлыг Бурхан биечлэн хийх ёстой; эс бөгөөс чи зөвхөн золин аврагдах боловч ариун байдалд хүрэх боломжгүй байх болно. Ийм маягаар чи Бурханы сайн ерөөлийг хуваалцах эрхгүй байх болно, учир нь чи хүнийг удирдах Бурханы ажилд нэг алхмыг орхигдуулсан, энэ нь өөрчлөгдөж, төгс болох гол алхам юм. Иймээс дөнгөж золин аврагдсан нүгэлтэн чи Бурханы өв залгамжлалыг шууд өвлөн авах чадваргүй’ (Үг нь махбодоор илэрсэн номын “Нэршил болон ялгамж чанарын талаар”-аас). ‘Хэдийгээр Есүс хүмүүсийн дунд их ажил хийсэн ч, бүх хүн төрөлхтний золин авралыг л гүйцэлдүүлж, хүний нүглийн тахил болсон бөгөөд хүнийг бүх ялзармал зан чанараас нь салгаагүй. Хүнийг Сатаны нөлөөнөөс бүрэн аврах нь, Есүсээс нүглийн тахил болж хүний нүглийг үүрэхийг шаардаад зогсохгүй, Сатаны ялзруулсан зан чанараас нь хүнийг бүрэн салгахын тулд Бурханаас улам агуу ажил хийхийг шаардсан. Ингээд хүний нүгэл уучлагдсаны дараа Бурхан хүн төрөлхтнийг шинэ эрин үе рүү хөтлөхийн тулд махбодод эргэн ирж, гэсгээлт, шүүлтийн ажлыг эхэлсэн бөгөөд энэ ажил нь хүнийг илүү өндөр хүрээнд аваачсан. Түүний эрх мэдэл дор захирагдсан бүх хүмүүс илүү өндөр үнэнийг эдэлж, илүү агуу ерөөлийг хүлээн авах болно. Тэд үнэхээр гэрэлд амьдарч, үнэн, зам, амийг олж авах болно’ (Үг нь махбодоор илэрсэн номын “Удиртгал”-аас).

Ван эгч цааш нь ийн нөхөрлөлөө: “Нигүүлслийн эрин үед Эзэн Есүс хүн төрөлхтнийг золин аврах ажлыг явуулж, цовдлогдох замаар хүн төрөлхтний төлөө нүглийн тахил болж, биднийг Сатаны савраас золин аварсан юм. Бид Эзэний авралыг хүлээн зөвшөөрч, нүглээ Эзэнд улайн, гэмшиж байгаа цагт нүгэл маань уучлагдаж, бид Эзэний нигүүлсэл, ерөөлийг эдлэхэд тохиромжтой болдог. ‘Нүгэл маань уучлагддаг’ гэдэг нь хууль зөрчсөнийхөө төлөө хуулийн дор яллагдаж, үхэх ял авахаа больдог гэсэн утгатай бөгөөд итгэлээр зөвтгөгдөх, итгэлээсээ үүдэн аврагдах гэж үнэндээ үүнийг хэлдэг. Гэвч энэ нь, бид тэгээд нүгэлгүй, хир буртаггүй болдог гэсэн үг биш, бид тэнгэрийн хаанчлалд орж чадна гэсэн үг ч биш. Учир нь бидний нүгэл уучлагдсан байж болох ч нүгэлт уг чанар маань бидний дотор гүн үндэслэсэн хэвээр байгаа бөгөөд асуудалтай тулгарах үедээ бид өөрсдийн байр суурь, ашиг сонирхлыг хамгаалахын тулд байнга худал хэлж, бусдыг хуурсаар л байдаг. Эзэний нигүүлслийг эдлэхдээ бид Түүнд талархал, магтаал өргөж, Эзэний төлөө эрч хүчтэйгээр өөрсдийгөө зарлагаддаг. Гэвч гай гамшиг учрах юм уу гэр бүлд маань муу зүйл тохиох мөчид бид Эзэнийг буруугаар ойлгож, буруутгадаг бөгөөд Эзэнийг бүр үгүйсгэж, Эзэнээс урвахдаа тулдаг. Тэгэхээр золин аврагдсан боловч байнга нүгэл үйлдэж, Бурханыг эсэргүүцдэг бидэн шиг хүмүүс ер нь яаж тэнгэрийн хаанчлалд ороход тэнцэх юм бэ? Бурхан зөвт, ариун бөгөөд бузар булай, завхарсан хүмүүс хаанчлалд нь орохыг хэзээ ч зөвшөөрөхгүй. Биднийг Сатаны нөлөөнөөс нэгмөсөн аврахын тулд Тэрээр Өөрийн удирдлагын төлөвлөгөө болон завхарсан хүн төрөлхтөн бидний хэрэгцээний дагуу ажиллаж, эцсийн өдрүүдэд хүнийг шүүж, ариусгах ажлаа хийдэг. Бие махбодтой болсон Бурхан бидний завхрал, бузар булай, зөв шударга бус байдал, эсэргүүцлийг шүүж, завхарсан зан чанараасаа ангижрах замыг бидэнд харуулахын тулд олон сая үг илэрхийлсэн. Бид Бурханы үгийн шүүлт, гэсгээлтийг туулах замаар завхарсан зан чанараасаа ангижирч, Бурханы үгийг хэрэгжүүлэх чадвартай болж, Бурханыг үнэхээр дуулгавартай дагаж, шүтэн мөргөдөг хүмүүс болсон цагт л Бурханы хаанчлалд ороход тэнцэнэ. Үнэндээ Эзэн Есүс шүүлтийн ажил хийхээр эцсийн өдрүүдэд эргэн ирнэ гэдгээ аль эрт зөгнөсөн байдаг. Түүний хэлснээр: ‘Хэрвээ Миний үгийг сонсоод баримталдаггүй хүн байвал Би түүнийг шүүхгүй: учир нь Би дэлхий ертөнцийг шүүхийн тулд биш харин аврахын тулд ирсэн билээ. Намайг голж, Миний үгийг хүлээж авдаггүй хүнийг шүүх шүүгч байдаг: Миний хэлсэн үгс түүнийг эцсийн өдөр шүүх болно’ (Иохан 12:47-48). ‘Ирэх үедээ Тэр нүгэл, зөвт байдал болон шүүлтийн талаар дэлхийг зэмлэнэ’ (Иохан 16:7-8). Иймээс эцсийн өдрүүд дэх Бурханы шүүлтийн ажлыг хүлээн зөвшөөрч, завхарсан зан чанараасаа ангижирч, ариуссанаар л бид Бурханы хаанчлалд орж чадна гэдэг нь тодорхой байна.”

Эгч нарын нөхөрлөлийг сонссоны дараа гэнэт бүх зүйл тодорхой болж, зүрх сэтгэл минь тэр дороо гэрлээр дүүрлээ. “Аан, тэнгэрийн хаанчлал руу ингэж ордог байх нь! Эзэн Есүс биднийг нүглээс ангижруулах ажил бус, харин хүн төрөлхтнийг золин аврах ажлыг явуулсан юм байна гэдгийг би одоо л эцэст нь ойлголоо. Эзэн бидний нүглийг үнэхээр цагаатгасан боловч нүгэлт уг чанар маань бидний дотор гүн үндэслэсэн хэвээр бөгөөд бид байнга өөрийн эрхгүй нүгэл үйлдэж, Эзэнийг эсэргүүцдэг. Би нүглийн хүлээс, дөнгөнөөс чөлөөлөгдөж огт чадахгүй байсанд гайхах юм алга—Төгс Хүчит Бурханы эцсийн өдрүүд дэх шүүлтийн ажлыг хүлээн зөвшөөрөөгүй болохоор л тэгсэн болж таарлаа!” гэж би бодов. Иймээс би хоёр эгчид ингэж хэллээ: “Эзэнд талархъя! Зүрх сэтгэлдээ Эзэнд итгэж, үгээрээ Эзэнийг хүлээн зөвшөөрдөг хүн бүхэн тэнгэрийн хаанчлал руу өргөгдөж чадна гэх бидний баримталж ирсэн итгэл бол ердөө л бидний үзэл, төсөөлөл юм байна гэдгийг би Төгс Хүчит Бурханы үг болон та хоёрын нөхөрлөлийг сонсоод эцэст нь мэдлээ! Эзэн Есүсийн хийсэн ажил нь золин авралын ажил байсан бөгөөд эргэн ирсэн Эзэн шүүлтийн ажил явуулна гэдгийг би одоо ойлголоо. Өөрөөр хэлбэл, Тэр завхарсан зан чанарыг маань бүрмөсөн цэвэрлэж, өөрчилнө, тэр үед л бид тэнгэрийн хаанчлалд орж чадна. Би маш олон сүнслэг ном уншсан ч хүний нүгэлт байдлын асуудалд шийдэл олж хэзээ ч чадаагүйд гайхах юм алга! Эгч нар аа, тэгвэл Бурхан эцсийн өдрүүд дэх шүүлт, гэсгээлтийн ажлыг яаж явуулдаг юм бэ? Надтай илүү их нөхөрлөж болох уу?”

Тэгэхэд Ван эгч ингэж хэлэв: “Энэ асуултын хариуг Бурханы үгэнд тодорхой өгүүлсэн байдаг тул тэндээс нэг хэсгийг уншицгаая. Төгс Хүчит Бурхан ингэж хэлсэн байдаг: ‘Эцсийн өдрүүдэд Христ хүнийг сургах, хүний мөн чанарыг ил болгох, хүний үг болон үйлдэлд нь дүн шинжилгээ хийхийн тулд төрөл бүрийн үнэнийг хэрэглэдэг. Хүний үүрэг, хүн яаж Бурханд дуулгавартай байх ёстой, хүн яаж Бурханд үнэнч байх ёстой, хүн яаж хэвийн хүн чанарыг амьдран харуулах учиртай болон Бурханы мэргэн ухаан, зан чанар гэх зэрэг төрөл бүрийн үнэнийг эдгээр үг агуулдаг. Эдгээр үг нь бүгд хүний мөн чанар болон ялзармал зан чанар луу чиглэдэг. Ялангуяа, хүн Бурханыг яаж голдгийг илчилсэн үгс нь хүн хэрхэн Сатаны биелэл, Бурханы эсрэг дайсны хүч болдогтой холбогдуулан хэлдэг. Шүүлтийн ажлаа хийхдээ Бурхан хүний угийн чанарыг ердөө хэдхэн үгээр тодорхой болгодог юм биш; Тэрээр удаан хугацааны туршид илчилж, харьцаж, засдаг. Илчлэлт, харьцалт болон засалтын эдгээр аргыг энгийн үгээр бус, харин хүний огтхон ч эзэмшдэггүй үнэнээр л орлуулж болдог. Зөвхөн ийм төрлийн арга барилыг л шүүлт гэж үздэг; ийм төрлийн шүүлтээр л дамжуулан хүн номхорч, Бурханд захирагдахад бүрэн үнэмшээд зогсохгүй Бурханы тухай жинхэнэ мэдлэгийг олж авч чаддаг. Шүүлтийн ажлын авчирдаг зүйл гэвэл Бурханы жинхэнэ дүр төрхийн тухай хүний ойлголт, өөрийнх нь тэрслүү байдлын тухай үнэн мэдлэг юм. Шүүлтийн ажил нь хүнд Бурханы хүслийн тухай, Бурханы ажлын зорилгын тухай, хүн ойлгошгүй нууцуудын тухай ихээхэн ойлголт олж авах боломжийг олгодог. Түүнчлэн хүнд өөрийн ялзарсан мөн чанар болон ялзралынхаа үндсийг таньж мэдэх, хүний муу муухайг нээн илрүүлэх боломжийг олгодог. Энэ бүх үр дүнг шүүлтийн ажил авчирдаг, учир нь энэ ажлын мөн чанар нь үнэндээ Бурханы үнэн, зам, амийг Түүнд итгэдэг бүх хүнд нээх ажил юм. Энэ ажил нь Бурханы хийдэг шүүлтийн ажил билээ’ (Үг нь махбодоор илэрсэн номын “Христ шүүлтийн ажлыг үнэнээр хийдэг”-ээс).

“Эцсийн өдрүүдэд Бурхан бүрэн аврал хүртэхэд маань шаардлагатай бүх үнэнийг илэрхийлж, Бурханыг эсэргүүцэгч сатанлаг уг чанар, завхарсан мөн чанарыг маань шүүж, илчилдэг гэдгийг Бурханы үг бидэнд тодорхой хэлдэг. Энэ бүх үг үнэн бөгөөд Бурханы өөрийн эрх мэдэл, сүр хүчийг агуулж, Бурханд юу байгаа, Тэр юу болох, мөн ямар ч зөрчлийг хүлцдэггүй Түүний зөвт зан чанарыг бидэнд илчилдэг. Бурханы үгийн шүүлт, гэсгээлт, баримтуудын илчлэлээр дамжуулан бид өөрсдийн сатанлаг уг чанар болон Сатан биднийг завхруулсан үнэний талаар жаахан ойлголттой болдог. Биднийг Сатан маш гүн гүнзгий завхруулсан, бид угаасаа биеэ тоосон, ихэрхүү, гажууд, ов мэхтэй, аминчхан, өөрийгөө шүтдэг, шунахай, хорон муу, бусдаас давах ирмүүн хүсэлтэй, мөн бид гагцхүү сатанлаг зан чанараа л яс махандаа тултал илчилдэг гэдгээ олж хардаг. Эдгээр завхарсан зан чанарт ноёрхуулсан бид өөрийн эрхгүй Бурханыг цаг ямагт эсэргүүцэж, Түүний эсрэг тэрсэлдэг. Жишээлбэл, бид чуулгандаа ажиллаж, номлол хийх үедээ бусдаар хүндлүүлж, дээдлүүлэхийн тулд сүрхий сонсогдох илтгэл чалчиж, өөрсдийгөө гайхуулж, өргөмжилдөг. Бид өөрсдийн ашиг сонирхлыг хамгаалахын тулд байнга худал хэлж, бусдыг хууран мэхэлж, явуулга хийж, бүр нэг нэгтэйгээ тэмцэлддэг. Тэгээд өөрсдийн маань үзэлтэй нийцэхгүй хүмүүс, үйл явдал, юмс, нөхцөл байдалтай учрах үедээ Бурханд үргэлж үндэслэлгүй шаардлага тавьж, хэрээс хэтэрсэн хүсэл өвөрлөж, Бурханы зохион байгуулалт, зохицуулалтад захирагдаж чаддаггүй. Бурханы үгийн шүүлт, гэсгээлтийг туулах замаар бид аажмаар зарим үнэнийг ойлгож, сатанлаг уг чанараа үнэхээр ойлгон, чин сэтгэлээсээ үзэн яддаг бөгөөд Бурханы зөвт зан чанарын талаар бас жинхэнэ ойлголттой болдог. Бурхан ямар хүмүүсийг хайрлаж, ямар хүмүүсийг үзэн ядаж, ямар эрэл хайгуул Түүний хүсэлд нийцдэг болохыг бид мэддэг. Тэгээд эерэг, сөрөг зүйлсийг ялгаж салгаж сурдаг. Эдгээр зүйлийг ойлгомогцоо бид зүрх сэтгэлийнхээ угаас махан биеэ хаяж, Бурханы үгийн дагуу хэрэгжүүлэхэд бэлэн болдог. Цаг хугацаа өнгөрөх тусам Бурханыг хүндэлж, хайрлах хүсэл бидний дотор аажмаар бий болж, сатанлаг завхарсан зан чанарынхаа хүлээс, дөнгөнөөс чөлөөлөгддөг бөгөөд Бурханд үндэслэлгүй шаардлага тавих маань цөөрдөг. Бид бүтээгдсэн зүйлсийн байр сууриа баримталж, үүргээ биелүүлэх чадвартай болж, Бурханы зохион байгуулалт, зохицуулалтад захирагдан, жинхэнэ хүний төрхийг амьдран харуулж эхэлдэг. Тэнгэрийн хаанчлалд орох цорын ганц зам бол эцсийн өдрүүд дэх Төгс Хүчит Бурханы шүүлт, гэсгээлтийн ажлыг хүлээн зөвшөөрч, үнэнийг эрэлхийлж, Бурханы талаар болон өөрсдийнхөө талаар мэдлэгтэй болж, завхарсан зан чанараа өөрчлөх явдал гэдгийг бид Бурханы ажлыг туулах явцдаа гүнээ ойлгож авдаг.”

Төгс Хүчит Бурханы эдгээр үг болон эгчийн нөхөрлөлийг сонсоод би дотроо улам ч тодорхой ойлголттой боллоо. Төгс Хүчит Бурханы илэрхийлсэн үнэн нь маш бодитой бөгөөд завхарсан хүмүүс бидэнд үнэхээр л хэрэгтэй зүйл юм байна. Эцсийн өдрүүд дэх Төгс Хүчит Бурханы шүүлтийн ажлыг хүлээн зөвшөөрч, туулах замаар л бид завхарсан зан чанарынхаа хүлээс, дөнгөнөөс бүрмөсөн ангижирч чадна! Би өөрийн эрхгүй уртаар санаа алдаад, “Би ийм олон жил Эзэнд итгэсэн атлаа үргэлж өдрөөр нүгэл үйлдэж, шөнөөр тэр нүглээ улайн, нүгэлд шаналах амьдралаар л амьдарч байна. Хэрэв Бурхан хүн төрөлхтнийг ариусгахын төлөө бүх үнэнийг илэрхийлж, завхарсан зан чанараасаа ангижрах замыг бидэнд заагаагүй бол би нүгэлд маш чанга хүлүүлж, эрх чөлөөнд хүрэх замыг хэзээ ч олохгүй байсан нь лавтай. Эзэн: ‘Та нарт хэлэх зүйл Надад олон байгаа боловч та нар одоо тэдгээрийг дааж чадахгүй. Гэхдээ үнэний Сүнс болох Тэр ирэх үедээ та нарыг бүх үнэн рүү удирдана: учир нь Тэр Өөрийн санаагаар ярихгүй; харин сонссон зүйлээ Тэр ярих болно: мөн Тэр ирэх зүйлсийг та нарт харуулна’ (Иохан 16:12-13) хмээсэнд гайхах зүйл алга. Эзэн Есүс эцсийн өдрүүдэд илүү их үг илэрхийлж, биднийг бүх үнэнд ороход удирдана гэдгээ аль эрт бидэнд хэлсэн байж. Төгс Хүчит Бурханы үг эрх мэдэл, сүр хүчтэй бөгөөд миний ойлгохыг хүссэн ч, хэзээ ч ойлгож чадаагүй бүх үнэн болон нууцыг илчилж, намайг бүрэн үнэмшүүллээ. Эцэст нь би тэнгэрийн хаанчлалд орох замаа оллоо!” гэж хэлэв. Хоёр эгч баяртайгаар толгой дохилоо.

Дараа нь би сэтгэл догдлон ингэж хэллээ: “Энэ бол Эзэний дуу хоолой мөн. Төгс Хүчит Бурхан бол эргэн ирсэн Эзэн Есүс юм байна! Миний маш урт удаан хугацаанд хүссэн зүйл эцэст нь тохиолдлоо, би үнэхээр азтай, тун ерөөлтэй юм! Эзэн Есүсийг мэндлэх үед Симеон ердөө л наймхан хоногтой байсан нялх Есүсийг хараад асар их баярласан байдаг. Энэ насандаа Эзэнийг эргэн ирэхэд нь угтан авч, Бурханы Өөрийн айлдварыг сонсож чадсан би Симеоноос ч илүү зол завшаантай юм, бас би Эзэнд маш их талархаж байна!” Ингэж хэлж байхдаа сэтгэл хөдлөлд автан, догдолсондоо нулимс унагав. Тэгээд газар сөгдөн Бурханд залбирах гэсэн ч мэгшин уйлсандаа амнаас үг гарч өгсөнгүй. Эгч нарын ч бас сэтгэл нь хөдлөн, нулимс унагацгаав.

Маш олон жил намайг шаналгасан бухимдлыг Төгс Хүчит Бурханы үг эцэст нь шийдвэрлэсэн юм. Би газар сайгүй хайсан ч тэнгэрийн хаанчлалд хүргэх ариуслын замыг огт олж чадахгүй байсан бол одоо эцэст нь үүнийг олсон гэдгээ бодлоо. Энэ бол намайг гэх Бурханы нигүүлсэл, аврал гэдгийг би мэдэж байсан юм! Дараа нь би цуглаанд оролцож, Төгс Хүчит Бурханы үгийн талаар ах эгч нартай нөхөрлөснөөр улам их үнэнийг ойлгож аван, биднийг аврах Бурханы хүслийг жаахан ойлгов. Одоо би Бурханы үгийн илүү их шүүлт, гэсгээлтийг хүлээн зөвшөөрч, Түүний ажлыг туулж, завхарсан зан чанараасаа аажмаар ангижирч, ариусмаар байна. Бурханд талархъя!

“Бурханы нэр өөрчлөгдсөн ?!” киноны клип: Аврагдах нь ариусгагдахыг төлөөлж чадах уу?(Монгол хэлээр)

“Бурханы нэр өөрчлөгдсөн ?!” киноны клип: Аврагдах нь ариусгагдахыг төлөөлж чадах уу?(Монгол хэлээр)

Библи ингэж зөгнөдөг: “Би түүн дээр Өөрийн Бурханы нэрийг, тэнгэрээс Миний Бурханаас ирсэн Миний Бурханы хотын нэр болох шинэ Иерусалимыг бичнэ: Би түүн дээр Өөрийн шинэ нэрээ бичнэ” (Илчлэл 3: 12). “Тэгээд Еховагийн амаар нэрлэх шинэ нэрээр чамайг нэрлэнэ” (Исаиа 62:2). Эцсийн өдрүүдэд Бурхан хүн төрөлхтөнд “Төгс Хүчит Бурхан” нэртэйгээр илэрч шүүлтийн ажлыг Өөрийн гэр бүлийнхнээс эхлэн хийж, Өөрийн зөвт, сүр жавхлант, хилэнт зан чанарыг илчилнэ. “Төгс Хүчит Бурхан” гэдэг нэрний ач холбогдол нь асар их. Энэ нэрний ач холбогдлыг та мэдэх үү? Энэ видео танд хариулт өгөх болно.

Сүнслэг дайнд сорилтыг даван гарах гурван гайхалтай арга

Нэгдүгээрт, Сатаны сорилттой тулгарахдаа чи Бурханд залбирч, Бурханы хүслийг илүү их ойлгохын тулд үнэнийг эрж хайж, Сатаны заль мэхэнд урхидуулахгүй байх ёстой.

Төгс Хүчит Бурхан намайг цэвэр болох замд хөтөлсөн

АНУ, Ганчиан

Би амь амьжиргаагаа залгуулахын тулд 2007 онд ганцаараа Сингапурт ажиллахаар ирсэн юм. Жилийн турш Сингапурын цаг агаар маш халуун байдаг учраас би өдөр бүр ажиллаж байхдаа асар их хөлөрдөг байлаа. Үнэхээр хүнд бэрх байсан учраас би үгээр илэрхийлэхийн аргагүй зовж зүдэрч, дээрээс нь ямар ч хамаатан садан, найз нөхөдгүй, дасал болоогүй амьдрал байсан тул энэ нь надад уйтгартай, залхмаар санагддаг байв. Наймдугаар сарын нэгэн өдөр би ажлаас харьж явах замдаа сайн мэдээний зурагт хуудас хүлээн авсан бөгөөд тэнд: “Гэвч Христ Есүсээр та нарыг мөнх алдартаа дуудсан бүх нигүүлслийн Бурхан та нарыг түр зуур зовсны дараа төгс болгож, бататгаж, бэхжүүлэн байгуулах болно” (1Петр 5:10) гэж бичсэн байлаа. Эдгээр үгийг уншаад би зүрх сэтгэлдээ халуун дулааныг мэдрэв. Дараа нь би чуулган руу ахыг даган явлаа. Мэндийг минь асуун ах эгч нар урамтай угтсан нь надад урт удаан хугацаанд байгаагүй гэр бүлийн минь халуун дулааныг мэдрүүллээ. Нүд минь гэнэтхэн халуун нулимсаар дүүрч, гэртээ ирсэн мэт мэдрэмж надад төрөв. Тэр цагаас хойш ням гараг бүрд чуулган миний байх ёстой газар боллоо.

Би 12-р сард баптизм хийлгэж, Эзэнд итгэх замд албан ёсоор орсон билээ. Чууланд орсон хойноо би номлогчийг Матайн 18-р бүлгийн 21-22-р хэсгийг уншихыг сонсов: “Дараа нь Петр түүн дээр ирж, Эзэн минь, ах дүү маань миний эсрэг нүгэл үйлдвэл би хэдэн удаа уучлах вэ? Долоон удаа юу? гэж хэлэв. Есүс түүнд, Дараа нь Петр Түүн дээр ирж, Эзэн минь, ах дүү маань миний эсрэг нүгэл үйлдэхэд би хэдэн удаа уучлах вэ? Долоон удаа юу? гэхэд Есүс түүнд, ‘Би чамд долоон удаа бус, харин дал дахин долоон удаа гэж хэлье’ гэв.” Үүнийг сонсоод би дотроо ингэж бодлоо: “Эзэн Есүсийн уучлал, тэвчээр яаж ийм агуу байж чаддаг юм бэ? Тэр хүмүүст дал дахин долоон удаа уучлал өгнө. Хүмүүс үнэхээр ингэж чаддаг байсан бол хүмүүсийн дунд тэмцэл гэж үгүй, хайр, халуун дулаан л байх байсан!” Эзэний үг сэтгэлийг минь маш их хөдөлгөж, би Эзэний сургаалын дагуу явна хэмээн шийдлээ.

Хоёр гурван жилийн дараа дарга маань надад барилгын талбайн удирдлагыг хариуцуулан өгсөн учраас би бүх эрч хүчээ ажилдаа зориулж, яваандаа цуглаанд оролцохоо болив. Дараа нь найзынхаа танилцуулснаар би Ли даргатай уулзаж, түүнтэй хамт барилгын компани байгууллаа. Би маш аз жаргалтай байсан бөгөөд их хүчин зүтгэл гаргана хэмээн сэтгэл шулуудсан юм. Тухайн үед би мөнгөний эргүүлэгт бүрмөсөн автаж, цуглаанд оролцохоор чуулган руу явахаа болив. Төсөл амжилттай болж, өрсөлдөх чадвараараа бусдаас магтаал хүртэхийн тулд ажилчдаасаа шаарддаг шаардлага минь улам нэмэгдэж, илүү хатуу боллоо. Тэднийг ямар нэг зүйл зүй зохисгүйгээр юм уу, миний шаардлагаас өөрөөр хийх юм бол би загнадаг байсан бөгөөд багийн ахлагч нь миний зүхлээс болж ихэвчлэн нулимс унагахад хүрдэг байв. Ажилчид намайг харах бүрдээ айж, бүр надаас нуугддаг байлаа. Хуучны сайн найзууд маань ч намайг тоохоо байж, надад сэтгэлээ уудлахаа болив. Энэ байдлыг хараад би ихэд шаналсан! Эзэн Есүс бидэнд бусдыг дал дахин долоон удаа уучил, хөршөө өөр шигээ хайрла гэж сургадаг. Гэвч би үүнийг өчүүхэн төдий ч хэрэгжүүлээгүй, ганц ч удаа хийгээгүй. Үүнийг яаж Христэд итгэгч байна гэх вэ? Би нүгэл үйлдсэнээ мэдэж байсан бөгөөд нүглээ улайн, гэмшиж, Эзэнд ойр ойрхон залбирдаг байв. Би өөрийгөө өөрчлөхөөр шийдлээ. Гэхдээ ямар нэг зүйл болох бүрд би өөрийн эрхгүй нүгэл үйлддэг байв. Сэтгэл минь ихэд шаналж байлаа.